條仔明明HIV+ 但呃人無事,仲公然中出係咩玩法?

 

朋友G 幾個月前突然冇曬音訊,本身唔係好熟,冇咩聯絡,唔理。今午,G 突然約我出嚟傾偈,起初我以前 G 係因為我都近來分手先會約我出嚟傾下,點知見面甫始,就叮囑我唔好激動。正所謂無事不登三寶殿,再加句咁嘅野,我都知冇好野架喇,但真係勢估唔到世事真係可以醜陋到咁。

朋友G 之前因為公幹認識前度男友,對方性格平穩,冇咩花言巧語,加上熱戀而令佢十分信任,並打算第日去對方國家結婚。

因為信任,加上G 一直有食開 PrEP,即係事前預防HIV 病毒嘅藥物,所以佢同男友交往幾個星期開始佢就容許男友無套中出佢。但有一日,佢喺佢男友嘅物件到發現到一張覆診卡。冇錯,原來一直中出左佢幾個月嘅男友,係 HIV+ 。

G Keep 住驗血驗左幾個月,好彩佢到依家為止都仲係 HIV- ,應該冇事。但G 回憶起佢男友曾經影佢 PrEP 嘅空樽,同埋佢喺交友 App 上都係自稱自己係 HIV – 而且正服用 PrEP。所以 G 懷疑佢前男友一直都謊稱自己 on PrEP 嚟周圍中出人。依家佢男友已經返左母國, G 想報警拉佢都已經唔得(蓄意傳播 HIV 病毒可以被控嚴重傷害他人身體)。

你可能會覺得,唔緊要吖,其實要感染 HIV 都唔係一次半次中出就會出事,又話對方病毒量高,又要出血乜乜物。但我想話俾大家聽一件事,就係即使你真係食 PrEP,保護率都只係得82%,即係你俾人中出100 次都只有82次係保護到你,你都有大約兩成機會係會受感染。而且,呢兩成嘅機會唔係你俾人中出80次後先會出現,可能你第一次就已經中左個兩成嘅可能。加上依家冇藥醫嘅性病越嚟越多,唔怕 HIV 都應該怕下梅毒之類。

同埋大家真係咪撚聽埋啲左膠同你講 HIV 只係慢性病同高血壓啊糖尿病冇分別。係啊,依家啲藥係進化到每日食一兩粒就得,但啲左膠係唔會同你講啲藥會有好大副作用令你好難正常生活。有高血壓糖尿病移民冇咩問題,但你有 HIV 嘅話好多國家都唔會接受你。而且, HIV 藥物唔平,係啊可以申請政府資助,但同公屋綜援一樣,你賺多少少就唔會再俾你,你真係甘心成世人喺貧窮線上少少咁生活咩?有人話港大研發緊 HIV 藥,幾年後就會有得醫。其實呢個世界大把病都有得醫,天花都有,係咁就惹左都冇所謂?咪自己呃自己喇。

我寫呢篇文嘅原因,係因為 G 本身都唔係一個會周圍玩嘅人。佢好小心,但佢同我一樣都係一個用情極深嘅人。我好好彩,只係分手,冇撚左段感情同埋大阪來回機票;但 G 佢冇左男友,亦俾男友背叛左自己條命 。我相信呢個世界上有唔少人都有足夠嘅性知識去預防疾病,但原來,即使你唔玩唔濫,最後尾害你嘅人會係你最信任、最愛、同最依賴嘅愛人。

總括講,希望大家會記得以下三點:

一、食 PrEP 都仲有兩成機會中 HIV。
二、自稱有食 PrEP,影埋相俾你睇嘅人都可以係假。
三、你冇對方詳細而且係近期嘅驗血報告就帶返個套。

以上我得到 G 嘅同意之下而寫,並希望大家可以廣傳。G 問我:「啲人鬼會聽咩,愛一個人同take 左野冇分別,都會照做。」,但我相信,千萬個人之中可以改變到一個人嘅命運,都係救左人。而依家只要你 Click 一個 share 制,你都可以。

 

作者:亂臣賊子

亂臣賊子

閱讀後覺得好,請多多讚好及分享~:)

其他熱門文章

  • 【龍緯汶與南亞小女童】孌童變戀童,社民連杜振豪引述「兒童性自主」即係乜嘢取態? by 容樂其
    當個讀緊小學嘅細路女,被反對派同路人搞,佢地唔係立即出來譴責,而係顧左右而言他,又扮曬野喺度剖析下個社會,玩下思想實驗,玩下講理念,突然煞有介事同你講,兒童可以有性自主架。…
  • 溝俄妹的技術研究 by 技術官僚主義者
    平心而論,俄妹同香港女仔嘅主要分別,係佢哋平均得分較極端:大部分唔係高過70分,就係低過40分;香港女仔係完全相反。大部分人在40至70分區間,成日見啲女有80分,已經俾窮ABC狗衝。因為中庸之道嘛。好似係。即係高過70分會俾同事/同學鬧死…
  • 雞蟲同埋鳳姐都睇唔起龍緯汶。 by 容嬤嬤
    護士姊妹見得社會陰暗面多,佢好感概呀,呢單野,一聽到就義憤填膺嘅,反而係啲爛身爛勢嘅人,妓女嫖客會睇到嬲;而嗰啲道貌岸然嘅呢?就唔知去左邊。…
  • 桃色醜聞都有分檔次嘅年代——姚子羚係受害者??? by 白木乩
    網絡流傳,今次姚子羚係「受害者」,即係咁講啦,個情郎話搞離婚,不過原來瞞住佢仲有第二個,夾埋即係四個人咁多,而俾相蘋果嘅相傳係個大婆咁話。…
  • 龍緯汶社區服務的不道德軌跡 by Su子
    先是送禮物、貼著一起拍照;後來主動當孩子的保姆,以增加二人一起單獨相處的機會;到父母已經完全信任,就買三點式的泳衣給孩子,更一起在更衣室拍照;再常常邀請女童到自己家中過夜、於床上擺出各種特別的姿勢一起拍照;然後,終於得到了和女童二人一起外遊…
  • 大學平凡事——想出軌就出啦,講乜吖你 by 蛋捲蝦子麵
    成日話兩個人相處需要互相忍耐,無一個完美嘅人可以配合到天衣無縫,無兩個人相處嘅時候可以無摩擦。但係究竟宜家嘅呢一個人係咪值得自己去忍耐,去等待,定係抑或應該搵過另一個人呢?呢啲問題嘅答案肯定係無解嘅,因為愛情本身就無標準答案,只係睇吓兩個人…
歡迎讚好我們的facebook page,免費資訊源源送上。

文章資訊

ID: 182649
Date: 2018-07-16 00:33:12
Generated at: 2019-05-21 15:56:21
Permalink: https://www.vjmedia.com.hk/articles/2018/07/16/182649/條仔明明hiv-但呃人無事,仲公然中出係咩玩法?