【塔羅個案】女性客戶開口埋口「我認為」,咁你有無理過對方點諗先?

文教 / 最新文章綜覽

 

有位女性 OL 客戶,就稱呼佢為 May 吧,May 二十七八歲,剛剛同男朋友分手,於是黎搵我開牌,想知道有無得救。

佢地拍拖一年左右,兩個月前男朋友同 May 嗌左場交,於是,根據 May 嘅形容,「男朋友一時意氣之下同我分手。」

當然,我唔會質疑人地分手嘅原因,要知道再無稽嘅故事或者原因我都聽過,可以話係日日新鮮鑊鑊甘;不過,我更加相信,如果兩人感情一向有暗湧,男方提出分手,或者就唔係 May 口中嘅「一時意氣」了。

「如果佢真係一時意氣,男朋友一向脾氣好大?呢兩個月有無主動搵過你?」

我一向習慣開牌前問清楚啲人物背景關係,咁樣開牌求答案先會省時省力一擊即中,面對住 May 我都唔例外。

「無呀,佢無主動搵過我。」May 個樣有少少不解,「佢一向唔算脾氣大,係有時幼稚咗啲,我知男人係咁,未到三十歲,就好似細路咁要女人湊。」

我點點頭以示我聽緊。無錯,係聽緊咋,唔代表我認同。

「佢一向都唔會發我脾氣,反而我係比較易躁底嗰個。」May 急急地補一句,「不過,我覺得我地一直都好好,佢有講過想我改,雖然我唔知點改,但我有諗過改的,我覺得我地之間其實比起好多情侶,算係好有溝通架啦!同埋,因為佢好少講自己野,所以我覺得我算係好了解佢……」

我聽到呢度不禁苦笑,短短幾句說話,大家有無數到 May 到底講咗幾多次「我覺得」同埋「我知」?

有自己嘅想法並無問題,有問題嘅係,將自己嘅想法凌駕於其他人之上。按住 May 提出嘅問題,我抽出四隻牌,到底男朋友係點睇呢段關係嘅呢?又有無意欲想復合呢?無奈地,男朋友原來一直都覺得同 May 難以溝通,相處有壓力,嗰次發脾氣,並唔係 May 口中嘅一時意氣,而係久忍成疾,一鑊爆煲;至於問到想唔想復合,嘩,仲出左隻正位「Death 死亡」添,真係我想兜都無得兜。

「牌所見到嘅結果同埋你 Ex 嘅想法,似乎同你認知嘅唔一樣噃。」我乾咳一聲,「睇黎佢分手想法好強烈。」

「點會?」May 有少少不安,「我認為佢仲鍾意我架喎,我知我難頂,但係好多時我攰吖嘛!唔係呢,神婆,會唔會你睇漏睇錯?我真係覺得佢仲想同返我一齊架囉!我覺得……」

「到底你有無真係去理過佢嘅感受呢?」我忍唔住打斷 May 嘅說話,「又或者咁講,你今日黎,係想向我表達你對呢段關係嘅睇法,定係真心想求一個答案呢?牌就開左,我就唔樂觀的,信不信由你,亦歡迎你去搵其他中西式任何占卦師父問到你想聽到嘅答案為止,我無所謂的。」

「但係我覺得佢真係需要我,同埋我覺得佢可能係因為做野忙,先會對我咁……」

「係呀,你覺得。我唔係否定你嘅感受同想法,不過,你到底係用緊你自已嘅想法去同佢相處吖,定係用個心去理解佢?」我有少少無奈,「簡單啲講,咩都你認為、你覺得,咁佢呢?」

「吓……有分別咩?我覺得自己算善解人意同埋好就佢……」

我聽到呢度,不禁笑出聲,「啱呀,我都認同你係一個好有個心想法嘅獨立女性,如果你認為咁樣同人相處係啱嘅,Go on and do what you want to do。你嘅人生,當然應該由你自己去決定。」

「咁佢係咪即係都仲想同返我一齊?」

我笑,「我副牌話 No。不過,你覺得係就係啦,唔緊要,祝你好運。」

如果一直只係「自己想點就點」咁去同人相處,我除左祝 May 好運,我諗,我可以講嘅都講哂,或者我能力唔夠,幫佢唔到啦。

 

 

【塔羅牌個案分享】

後生女教友畀已婚傳教士搞大個肚唔認數
你話想生仔我咪唔避孕囉,我家下有咗你就叫我落?
名校老師婚外情的故事
四年入面,我睇住個客拍拖、結婚再離婚。
女人就黎三十歲仲係 A0 係咪就叫有問題?
中女不諱言「我有 SP,但我唔會同我老公離婚」
老師的成功要訣:識人、埋堆,攀附權貴;作育英才已經行唔通。
邊個講出「分手」兩個字,邊個就係萬劫不復嘅千古罪人

 

 

作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 【真人真事】小表妹的胎前記憶 by 表姐
    「你仲記唔記得喺媽咪個肚果陣係點架?」 「唔記得啦」 「再之前呢?未去媽咪個肚之前你喺邊架?」 「喺個天度」…
  • 失戀時,朋友講嘅野,聽下好喇! by 壞孩子
    佢地唔係你,唔知你個心有幾多掙扎,唔知你同個ex嘅經歷同佢俾你嘅感覺,就算你講左,佢地都係當故仔咁聽。而且,朋友為免你傻落去,通常都會叫你放手,話個人唔值得你等或者挽留。但你聽完,就算心知肚明,你鬼做到咁灑脫,如果你得,朋友就唔洗成日睇住你…
  • 關心柳俊江,仲多過十二位手足 by Terence Yun
    此新聞一出,不論是藍絲群組還是黃絲群組,都對此新聞樂此不疲,藍絲見此新聞,當然不會放過這個機會,明白,必然強力追擊,一定打到唔停手。但係唔明所謂的黃絲群組,所謂的本土、城邦之類,都對此也樂此不疲,大家七嘴八舌,當家常話,當正他有如阿嬌藝人般…
  • 去到英國做警花(自稱),見盡社會光怪陸離。 by 英國警花
    早排見d移民谷,個個都好擔心治安,人人好似會抬個夾萬日日出街等人打劫咁款,好似治安除左偷竊打劫外就無野要考慮。講到治安,你有冇諗過英國好多警力其實花了在照顧精神病人身上?…
  • 【MHXX攻略資料】村下位 ⋆1-6 KEY 任表 by VJGamer
    村 下位 ⋆1 KEY 任表 任務名稱 狩獵對像 出現條件 備註 古代林の特性ゼンマイ 採集 8 個特産ゼンマ […]…
歡迎讚好我們的facebook page,免費資訊源源送上。

文章資訊

ID: 182810
Date: 2018-07-18 23:26:40
Generated at: 2020-09-23 02:28:22
Permalink: https://www.vjmedia.com.hk/articles/2018/07/18/182810/【塔羅個案】女性客戶開口埋口「我認為」,咁你