搵男人,應該搵一隻現價三個幾嘅騰訊

 

幾時都話Ali(李佳芯)識玩,娛樂圈中嘅女仔肯搵一個名氣比自己低嘅男仔,個男仔肯定有過人之處(邊部份過人我就唔知啦)。

我成日都同女性朋友講,搵男人,應該要應該搵一隻現價三個幾個嘅騰訊,但個個女性朋友都黑人問號。我講多句:「而家騰訊現價三百幾蚊,明未啊?」大家先點頭如搗蒜。

現價三個幾嘅騰訊,一街都係,我身邊已經有好幾個,但問題係世界有幾多個巴菲特?班女唔係話佢PE太低就話佢業務前景不明。唔緊要嘅男士們,好股從來都係「有買貴,無買錯」,只要你認為自己有實力,有目標,有行動力,有雄心,自然就有人增持。

反觀小米,就好似大有錢佬咁,財大氣粗,靠山寨起家,上個市都得罪曬全港財經Media,重要港交所同恒生公司幫手先有基金追貨。情況如同一個扶不起的阿斗一樣,會唔會成才真係言之過早,但未來真係睇唔到前景。

 

 

Danny(陳炳銓),我其實唔太熟,曾經向電視台不同節目做過野,見到面就會打個招呼個隻。但睇新聞留意到佢演員導演監製一腳踢,呢種男人識爭取機會,會力爭上游,本身佢都有小小學院派戲劇底,呢種仔現價入真係抵到爛,Ali如果hold貨hold得夠耐,真係隨時鯉魚翻身。

Btw,騰訊現價浮浮沉沉,主要由於大家對PUBG(食雞) 幾時變現能力存在懷疑,但唔少大行報告都話,預料第三季都應該可以開始變現,如無意外秋季開始騰訊股價應該可以再爆到層;另外Fortnite小弟我都玩過,感覺未夠PUBG成熟,所以重要小小時間催化。

個人推介現價入返小小騰訊CALL等秋天收割差唔多,港股呢排走勢都幾弱,連續個幾月陰跌,一係就將自己資金流入公用股避險,一係就拎Cash好過。或著拎小小入騰訊CALL搏秋天大反彈啦。

加油啊炳銓!

 

 

作者:庵念慈

庵念慈
娛樂圈的後生老海鮮,日日被容總追稿的追夢人。現為文化研究碩士學生。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 182926
Date: 2018-07-21 16:13:11
Generated at: 2020-02-17 12:46:48
Permalink: https://www.vjmedia.com.hk/articles/2018/07/21/182926/搵男人,應該搵一隻現價三個幾嘅騰訊