一街都係劏房,政府係默許定係鼓吹?

 

 

早幾日裝修小妹出左個post講關於合法劏房既個案,其實真係唔出奇,原因都不外乎因為錢。至於點解屋宇署對啲劏房問題都係束手無策?劏房又係唔係好既投資策略?筆者就嘗試同你地大家探討下。

 

屋宇署只係睇結構問題

屋宇署法定付予既權力就係根據建築物條例做~當然就係睇個建築物本身有冇結構問題,簡單啲講幢樓唔會冧就ok。而當你擁有私人業權而想改裝個間格,唔係牽涉更改主力牆同結構牆既話,通常都係用小型工程牌搵師傅整就冇乜大問題,呢啲工程都包括埋呢類劏房工程,至於你話啲劏房質素好差,又話非法呀乜乜物物,咁如果視察左係有問題既,咁佢咪跟返法例叫你拆,就係咁簡單。

 

跟足程序做就係唔想俾人捉

所以依家有個趨勢就係渣正黎做入哂則,因為投入呢啲工程既錢話大唔大,叫返你還原返間屋原來個陣就好撚大,所以一黎同政府打個底,二黎就變得名正言順,冇其他人可以郁到你,當然跟足程序做所花既行政成本有幾高就可以自己考量,而趨勢就係話俾你地聽,就算個程序幾煩幾貴都好,係值得既!有啲「良心劏房」既NGO 都係用呢啲方法去關懷基層架~至於被剝削既人唔係入住既人又唔係ngo,咁又會係邊個呢?

 

推拉因素使然

可能會話搞咁多野都係用黎收租姐,啱呀,自住單位就洗鬼搞咁多咩,之但係你係大單位你想租出去都唔係容易,租開屋既人都係睇返自己承擔能力,咁就引證點解細單位愈整愈有,供不應求,就係因為租金貴,所以咪要住得細。而個回報率亦開始推啲業主心思思想搞,因為大單位冇人夠錢租既佢都係食風,所以劏房問題係一環扣住一環,唔係大叫幾句收返150個新移民就可以解決到個問題,係本身高地價政策既問題囉好嗎。

 

sorry,有錢真係大哂

資本主義,自由市場底下,個個都係睇住盤數,扭盡六壬將利潤最大化,呢啲單位轉劏房當然都係投資既一部份,分別只係佢地個本錢投入夠大,回報率有幾高?輔仁產經話你知投資價值係幾多,咁自然就睇數做人,逐月逐月4間房咁執係唔錯架,關鍵在於你要有間咁大既單位做背景先囉,一日仲行高地價政策佢地一日都會享受到地價貴既紅利。有咩唔好過坐係度就日日有錢收?

係房屋問題上面,有錢真係大哂?可能唔係,有樓真係大哂就真。當然啦,冇樓?唔好諗雞脾呀,飯都唔知會唔會同你食呀~

 

 

作者:武士亭

漢江泄對家

閱讀後覺得好,請多多讚好及分享~:)

其他熱門文章

  • 審計雞 by FAKE 文青
    呢個情境每日都上演,你已經分唔清楚你嘅正職係一個auditor,定係一隻雞…
  • 【真人真事】嗰日,朋友扑咗個黑警… by 都市女子日常
    情侶情到濃時緊係扑嘢啦,點知呀警察叔叔第一次淨係硬到一下,之後都軟過軟雪糕,搞咗好耐,連個套都鬆埋出嚟。…
  • 孟晚舟被定罪,比美國不給香港待遇更中中國要害 by Terence Yun
    大家要清楚明白中共決定將國安法入基本法當中,其風險必然會計算美國這一著,計算之內,意味著中共絕對可以承受到這個傷害,包括香港沒有國際地位,金融生意直線下滑,外資大幅離港等等。但中共可以承受得到,因為今天美國不是上世紀八十年代的美國,中國也不…
  • 陳法拉呢種女人,蘭桂坊無一萬都幾千 by 庵念慈
    陳法拉就是那種中國出生、家裡略有關係二代,去外國走一轉再回流到香港,口裡的普通話和英文都是有難聽的捲舌音,住在美國卻罵美國總統的甚麼不是。…
  • 老蘭嘅初夜 by SAZI
    我記得第一次去蘭桂坊係喺2011年,已經係九年前嘅事。仲好記得第一晚去蘭桂坊時候嘅衣著,藍色書包杏色闊腳褲藍色花紋T裇,總之唔係可以稱為「戰鬥格」嘅裝束,好似白癡咁鑽入威靈頓街間T字頭O字尾嘅酒吧入面,入到去全部都大過當時嘅我至少十年,全部…
  • 「廢青」之煉成 by 金仔
    「係喔,就到六點,你要走啦呵?」。那位妹妹不知天真還是「串」,「係呀,就夠鐘。」朋友無言。到了六點,那個妹妹準時離開會議室。朋友第二天跟她照肺,想知道她每天準時下班會不會有什麽特殊理由,會不會需要上課或家裏有什麽事等等。只見那妹妹很鎮定的回…
歡迎讚好我們的facebook page,免費資訊源源送上。

文章資訊

ID: 183061
Date: 2018-07-24 22:55:44
Generated at: 2020-05-30 04:16:27
Permalink: https://www.vjmedia.com.hk/articles/2018/07/24/183061/一街都係劏房,政府係默許定係鼓吹?