做人呀媽之後,我失去左好多女人「本能」

 

做人呀媽有很多新增技能,在外人看來是彷彿變成了女超人一樣。但其實只有呀媽自己心知,一旦披上「母親」這個聖潔到發光的外衣,我們便同時失去了很多「本能」。

 

第一個失去的「本能」,就是撒嬌。

唔好話我聽,你拍拖個時擰得開支礦泉水呀?
更加唔好話我聽,你拍拖個時一個人食得晒成碗三哥米線或者一碟碟頭飯呀?
噢!SORRY!我搞錯左,你唔好話我聽你拍拖個時會食碟頭飯呀?
沒錯,即使我們現在如何力拔山河,如何氣吞天下,拍拖時,我們都會撒嬌著說:幫我開呀~我食唔晒呀~嘩!你好勁呀~

而當了媽媽的現在:你行開啦,呀囡你想騎膊馬等媽咪黎啦!/你兩個都想抱?好啦,媽咪一邊一個啦!/家姐,你拖實我,我要孭住細佬呀!唔係呢邊手,呢邊手媽咪要拎米!
不是我們忽然吃了大力菠菜罐頭,而是我們知道,我們已經不再是倚靠人的那個了,我們早已變成孩子的參天大樹,只有自己足夠堅強、足夠扎實,我們才有足夠的力量為他們撐起一片遮風擋雨的林蔭。

 

第二個失去的「本能」,是所謂的「陰聲細氣」。

以前煲電話粥,對面時不時就會傳來一句:咩話?你大聲啲,我聽唔到呀。
現在,別人和我們傾電話,總是默默的把聲量降到最低,把耳朵離到最遠;有時相約朋友出外,當你對著放飛自我狂奔不已的孩子大叫:唔好跑呀!我追唔到你啦!他們就會馬上以光速掩耳同時彈射開三呎以假裝不認識你。
不是我們撞聾、不是我們沒法控制自己的聲量,而是我們知道,不論我們的聲音是如何的嘈吵震耳,那都是最能令孩子安心的天籟。
仲有,最重要既一點係,啲細路先係撞聾架……

 

第三個失去的「本能」,是細嚼慢嚥。

以前吃一頓麥當奴,一條薯條要分開三口來吃,麥樂雞更加是龐然大物,需要分開幾口再配以汽水才能吞得下去,至於漢堡飽,痴線,無一個鐘都唔使諗啦!
現在,薯條一抓就是一把的塞到嘴巴,漢堡飽根本不夠攝牙縫,三送飯只要倒三次就可全清,滾燙的車仔麵、米線給我五分鐘就可見底。
不是我們忽然變成了千尋的豬媽媽,而是我們知道,我們的時間太寶貴了,我們每次進食,都總有一兩張嘴在旁等候著我們,每遲一分鐘,孩子就要多餓(更正確的說法是:多發癲)多一分鐘,所以,我們只好以烈士自我犧牲的精神去完成每一次鯨吞。

 

自從有一條生命從我身上延續開去,我的「本能」就又消失多一點。然而,我並不覺得可惜,因為這些作狀的「本能」,本來就沒有甚麼值得炫耀的,反倒是這些從我延展開去的生命,你睇,我個女/我個仔幾正!

 

作者:Sunice

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 律師真係好型咩? by 烏龍
    大律師事務律師也是男人,男人的劣根性在法律界也不能免疫。相反,正正因為很多天真嬌對律師趨之若慕,主動獻身亦大不乏人,單是律師這張名片對某些女士來説可能是一卡傍身,世界通行,所以法律界的男人們在女性市場比較吃香,把妹相對容易也是相識吧。事實上…
  • 暫停六合彩,反映馬會進退失據 by 曾慶光
    今次為六合彩四十五年歷史上,因應疫症而暫停攪珠時間最長(超過二百日)的一次,而且有很多人質疑二零零三年「沙士」時無暫停六合彩。馬會早前公佈截至今年六月,上一年度六合彩投注額僅僅過五十億,對比前一年度大跌近四成,少近三十億。…
  • 【遊戲介紹】死又有咩可怕?《Chronos: Before the Ashes》死一次強一次 by 阿九
    2019 年大賣嘅《Remnant: From the Ashes》,大家都應該印象深刻。同樣由 Gunfir […]…
  • 「作為一個女仔識做家務係一件好可恥的事」 by 瓔庭
    「作為一個女仔識做家務係一件好可恥的事,你要同我記住。」細細個便響阿媽度學識呢句說話的Pat一家很完美的實行了這個「理論」,佢係一個十指不沾陽春水的大小姐。家中清潔、煮飯什麼的都是Pat的老竇同阿哥去做。甚至學校有家政堂寧願肥佬都唔肯去做任…
  • TikTok 其實好重要 by 毛言地
    每個社交媒體都會有唔同嘅低能及危險玩意,就好似Facebook早前都有出現藍鯨遊戲,不過「危險」始終唔係Facebook嘅主流,大家上Facebook嘅主因唔會係為咗睇藍鯨遊戲比咩任務你。但TikTok當中低能嘅影片基本上係主流,咩Skul…
歡迎讚好我們的facebook page,免費資訊源源送上。

文章資訊

ID: 183339
Date: 2018-08-01 00:16:37
Generated at: 2020-09-19 20:18:43
Permalink: https://www.vjmedia.com.hk/articles/2018/08/01/183339/做人呀媽之後,我失去左好多女人「本能」