點解個個會搞漂書，所謂人有我有，一見有人做既個個都跟住做，而點解會係漂書，其實就係各取所需。呢啲正正就係無成本又可以玩野，點解唔搞？
正如我之前咁講，愈住得細，啲野始終都會有一日要清走，讀完書既可能會清走一堆教科書；去完書展既又可能要清返上年買左既書，旅行書又如past paper咁年年更新…etc，如果你屋企有足夠貯存空間，當然唔成問題，而如果你係遊牧民族住1年又搵定下年租盤既話，咁就提供左好大既誘因想清走啲重野（例如書）。但係你又唔甘心當垃圾掉左佢，係我地呢個道德高地新高既境界，直接掉左本書又好覺得好似罪孽深重，咁點算呢？人好自然地就會搵啲佢地覺得咩都識既人，又或者你覺得佢會幫到你既人。
咁有啲人自動波上到黎搵你，同你陳情唔想掉佢去堆田呀bla bla bla，而你又咁諗到可以分享俾人喎，又免費又可以令到人冇咁罪疚，又可以俾到啲有興趣（或貪小便宜）既人，咁樣既配對又好啱喎，又入屋又落戶，又有成就感，點解唔做呢？一雞兩味梗係最和味啦～
「識人好過識字」呢個根深柢固既觀念一直係剝削作者最大既元兇之一，係無償供稿既社會內面，你做到作者，你要係一個出色推銷員，當然有啲作者既書個名氣係大到作者唔洗推自然會有人買，呢類既作者都係上哂神枱，簽書簽到手軟既；有啲書係點都係要買既，好似工具書、旅遊書咁；有啲呢係死推爛推係書展玩到要倉庫番既書，（搞新媒體都可以搞到按樓既偉大推手）第一類既作者就係本身廣交朋友，就算唔係作者識人、都係廣大讀者識得作者而買佢既書。而講緊可能係賣哂幾板既書，作者先可能會有相對可觀既收入，所以馮檢基都不惜係記者會推銷佢既作品。而除左作者自己，其他人反而會關注書價再平啲就更好，咁相比之下，啲選票邊類人佔得多？而政黨又會靠邊一邊呢？
當一個社會評論一個表演場地應唔應該存在，演變成為貼歌list先有資格評論既話，咁何需關心作者既權益唧，又黎資格論啦，你冇出書講咩作者權益呀。子非魚安知魚之樂乎？
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年8月4日
