【Return 之特別方法】如何喺CityU 住足四年Hall？

住hall係大學五件事之一，亦係好多freshmen 較為留意嘅一件事。好多人都幻想，hall life一定好瘋狂，晚晚去飲酒，打牌開幾十枱咁，可以試下同朋友住嘅感覺。因此，大部分人會想住足四年hall，即係可以「return」。為咗return，有人會絞盡腦汁，使出千方百計，例如刷下大仙鞋呀、同莊員混熟呀等等。之但係，如果要return，係唔係一定要好yo 先得呢？定係摺啲可以？以下，我地會講下return 呢回事。

Hall return主要分兩種方法，包括計分同「非常方法」。

一般而言，各間hall office嘅計分方式大同小異。首先，計同學嘅住址同學校嘅距離，給予一個距離分。然後，計同學對學校同hall嘅貢獻（i.e. University Contribution or Hall Contribution），例如加入u team、勝出大專比賽、上莊等等，加上一個貢獻分。最後，hall tutors 或hall 莊根據同學喺hall 嘅表現，再畀一個表現分。將三個分加埋，就係決定可否return嘅總分啦。每一年，hall office會因應所有人嘅分，而定一個cut off，同學嘅總分高過cut-off，就可以return。

但係，好多人都話，計分只係其次，要return仲有「非常方法」，係咪真㗎呢？我地發現，原來仲有林林總總嘅方法（藉口）return。

最普遍嘅方法係虛報地址，拉高自己嘅距離分。但你有張良計，佢有過牆梯，hall office會抽查同學嘅地址，查到係假就byebye。呢一個方法既高風險，又唔正確，奉勸各位唔好採用。

甚至，有人唔怕嘥時間，半個月內不停打去hall office，疲勞轟炸officer，希望可以煩到有hall住。不過，呢一個方法十分極端，亦不恰當。

唔靠以上方法嘅人，係如何return㗎呢？

原來，如果無法return，同學可以請求hall office，重新考慮自己嘅申請。部分同學指出，距離分反映唔到住hall需要，佢地可能係因為屋企空間不足、家庭暴力等問題，而需要住hall。遇到呢個情況，hall office會酌情處理同學嘅return申請。

因此，如果同學有確切嘅住hall需要，可以向hall office求助，或者可以成功爭取return。

本文由Gööp宣傳大使 乳液屠夫、沉默的樹枝 撰寫

立即下載Gööp https://goop.ai/getgoop

作者：Cube

手機程式Gööp的吉祥物，一般出沒在香港大學，受遊客和小朋友歡迎，時常被誤會是晴天娃娃行走版。https://www.facebook.com/goop4groups/

閱讀後覺得好，請多多讚好及分享～：）