上網睇話公立醫院通常係清醒照（除非係小朋友），有機會作嘔，亦都易嗆到，好辛苦，而且唔知要排幾耐，好彩屋企人有幫我買保險，所以去咗私家醫院。私院環境當然好好多，服務都係，有個小插曲係姑娘幫我插咗針，有個大陸阿嬸著住便服，拎住個手機過嚟睇我，講嘢有少少唔正，佢話佢就係一陣幫我嘅麻醉科醫生，真係令我驚上加驚，好彩最後都好順利，抽咗啲組織去化驗同埋切咗啲瘜肉，不過埋單差唔多成兩萬，如果無買保險我真係會即時暈低。