每次當有公眾人物因為情緒問題自殺身亡嘅新聞，都有好多人覺得唔開心，好震撼，話希望更加多人關注情緒健康呢個issue。奇怪嘅係我發現原來我經歷嘅嘢一啲都唔少見，原來有好多人話俾人聽自己唔開心可能都會得到一啲好負面嘅feedback。可能係我唔識同人相處，又或者係我咁岩真係唔好彩遇到啲唔係咁識處理呢種情況既人，其實想幫佢哋，只係需要聽下，唔好批評佢嘅感受，就已經幫咗好多。