Fresh Graduate 啱啱畢業就想叫獵頭公司幫手搵工？

開左 Banker J FB Page 兩個星期左右，一路都收到唔同讀者既 inbox。依排收到幾位讀者既 inbox ，話獵頭公司 (Head Hunter) 介紹左份銀行工俾佢，問我拎下意見。就我個人立場而言，我覺得岩岩畢業既朋友係唔需要 Head Hunter 去幫手搵工，點解？不如等我講下我覺得有咩人需要用到 Head Hunter先。

第一，比較有經驗既同事。佢地本身就非常忙碌，而且市場上請比較高階級員工既 Openings 就比較少見，就算佢地想轉工，根本無咁多時間去搵，所以 Head Hunter 對佢地非常有用。

第二，做啲比較少人做既野既朋友。就好似之前我提及過既飛機融資咁，老實講，係香港專做依類既人都唔知有冇100個人。同上面一樣道理，市場上既 Openings 比較少，而且係咁小圈子既情況下，可能其他公司想請你，不過又唔好意思直接出面，所以就唯有透過 Head Hunter 了。

至於 Fresh Graduate 黎講，其實我係唔建議既。大家首先要知道 Head Hunter 點樣賺錢先，如果佢地成功推薦到你俾間公司，佢地就會收到錢。我唔係話全部 Head Hunter 都唔好，不過我見過有啲 Head Hunter 無視份工係唔係適合求職者，為左賺錢就直接説服求職者去見工。咁樣對於毫無工作經驗既 Fresh Graduate 相當有害，因為好容易就會被說服相信前途一片光明既說法。

我本身做開 Corporate Banking，有時都收到啲 Head Hunter 電話問我去唔去分行做，我真係心諗…唉

作者：Banker J——企業銀行家

90後，之前係大型銀行做MT (Management Trainee)，Rotation去左好幾個部門，最後落戶 Regional Corporate Banking RM，專職併購融資丶飛機融資丶項目融資等。做左幾年，對各個部門既分工略有認識。依架，去左另一間Bank既Investment Banking Division做Structured Finance了。

閱讀後覺得好，請多多讚好及分享～：）