香港小姐個騷，曾經係高收視保證，係僅次於台慶嘅年度大騷，泳裝環節、司儀同參賽者之間妙問妙答、參賽者才藝表演等等都係焦點，邊個應該攞冠軍、邊個有後台、邊個造馬都係茶餘飯後嘅話題，拗到面紅耳熱。
香港小姐咁多年來，無論冠軍三甲，定係落選港姐，都出咗好多人才，主要係因為個評選機制同埋評判有質素有要求。
但係而家呢，個個都話司儀同評判質素每況愈下，爛gag低級趣味咸濕食字笑話已經冇人想笑，求其一個旅遊節目都有大把靚景靚人睇，上網睇音樂節目同埋才藝表演已經多到睇唔晒，仲有而家已經冇人睇電視，所以香港小姐應該淘汰。
香港小姐冇人睇，唔係因為冇人睇電視，唔係因為去西貢做外景咁寒酸，而係因為時代巨輪，自然有啲嘢要淘汰。
香港小姐嘅使命，就係向全世界宣傳香港，咁香港有乜嘢值得宣傳呢，內容重要，個動力就係因為香港人對香港有一份優越感，出到去話比人哋聽自己係香港人係會引以為傲，係一個名牌。
但係而家其他地方嘅人，同埋香港人自己，都只係覺得香港係中國其中一個城市，已經冇獨特優勢優勢，冇乜特別，甚至冇性格。
簡單來講，香港小姐搞埋今年算吧啦。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年8月7日
