唔係藝術問題,大媽樣衰先係原罪

叱咤903 在晴朗的一天出發: #一個海港只有一個蝦媽city

健吾發佈於 2018年8月6日星期一

 

近日香港強烈仇恨風吹往尖沙咀碼頭,各界紛紛嘲笑「大媽的行為藝術」分貝超高神憎鬼厭。但當我地笑班內地大媽藝術水平低嘅同時,香港個班搞藝術嘅人都係日日係到打飛機。不過係嘅,係無打到好似班大媽咁出面。最少佢地唔會去西洋菜街同尖沙咀碼頭獻世,最少藝術界班人佢地都會排期去康民署租個場,然後做佢地自己覺得係藝術嘅野。人頭入場百幾至二百幾願者上釣。閉門合法地打飛機。但藝術水平同大媽比又唔見得高幾多。可能藝術嘅野我真係識條春。

有人就屌班大媽做個啲唔係藝術,係純粹噪音。香港人突然講藝術,我真係當堂嚇一跳,之後得啖笑。其實香港幾時有真正發展藝術?你地有重視藝術咩?你地識藝術咩?無架﹗你地只係厭人地樣衰再加人地係新移民所以憎佢地咋﹗依種憎恨係叫「樣衰出街要俾人打」。但同藝術係無關。香港人都唔關注藝術,証據就係未有大媽前,尖沙咀班本土表演者,你地有重視過咩?無個喎﹗所以唔關藝術事。係班大媽生得樣衰,如果班大媽換左班波大腰幼青春無敵少女係尖沙咀到日跳夜唱。無論佢地跳唱幾差都好,我都保證一定旺過蘭桂坊。現場仲有酒水提供,人頭收300幾。搞下搞下仲分分發展出第二個旅遊景點。所以大媽嘅原罪唔係跳唱得差,係樣衰呀﹗

有人可能會跳出嚟講,眼不見為乾淨啦﹗你唔去咪得囉﹗又係喎﹗咁唔去尖沙咀咪得囉﹗唔去劇場,唔去尖沙咀咩事都無。好啦﹗諗住收工返到屋企開開心心睇電視⋯⋯屌﹗又一班妖魔鬼怪。美女廚房集集都係到做孽。ViuTV又睇班怪咖係到玩雜耍。試過夜深打算電視汁撈杯面。咁岩就睇到ViuTV話測試波大到底係咪無腦﹗哇⋯⋯波大係咪無腦都要測試。原來睇電視真係可以令人智商下降﹗

係香港,各大媒體都充斥低智消費娛樂,其實真係好體現香港自由市場,有供就有求依個金科玉律。換言之香港人係好鐘意睇妖魔鬼怪。唔信呀?近幾年港姐,你入選個堆唔睇,冠軍都唔睇。最鐘意就係睇唔入圍又最奇形怪狀個班﹗年年睇年年笑。唔入圍個班受歡迎程度仲勁過冠軍。香港人唔鐘意睇妖孽作法邊個信呀﹗法官大人我無野補充啦。

除左鐘意睇妖孽,香港仲鐘意尋仇。學子華神話,香港人日日起身就鍾意尋仇,尋找仇恨對象。仇窮仇富仇大媽。尖沙咀大媽令到我地再一次體會到,香港人尋仇能力的確係好高。就算無左大媽,下一個目標可能就係VIUTV嘅全民造星某一個年輕人,或者係下一個話去日本拍AV嘅𡃁模。再唔係就係寫甜故搞婚外情食女嘅偽文撚。無所謂嘅,香港人係咁。但拉埋藝術嚟講,就難聽過講粗口啦﹗不如打和算啦﹗SUPER﹗

 

作者:林飛

閱讀後覺得好,請多多讚好及分享~:)

其他熱門文章

  • 審計雞 by FAKE 文青
    呢個情境每日都上演,你已經分唔清楚你嘅正職係一個auditor,定係一隻雞…
  • 李卓人用Zoom 搞六四,係咪想幫中共引晒啲民運份子出來? by 左膠正垃圾
    丫,唔知李卓人知唔知,係中國用zoom ,如果你講左d咩係國家唔中意既話,係大陸上緊既人,都會被爆門?…
  • 孟晚舟被定罪,比美國不給香港待遇更中中國要害 by Terence Yun
    大家要清楚明白中共決定將國安法入基本法當中,其風險必然會計算美國這一著,計算之內,意味著中共絕對可以承受到這個傷害,包括香港沒有國際地位,金融生意直線下滑,外資大幅離港等等。但中共可以承受得到,因為今天美國不是上世紀八十年代的美國,中國也不…
  • 「廢青」之煉成 by 金仔
    「係喔,就到六點,你要走啦呵?」。那位妹妹不知天真還是「串」,「係呀,就夠鐘。」朋友無言。到了六點,那個妹妹準時離開會議室。朋友第二天跟她照肺,想知道她每天準時下班會不會有什麽特殊理由,會不會需要上課或家裏有什麽事等等。只見那妹妹很鎮定的回…
  • Annual Leave 除咗全日同半日,原來仲有其他玩法…… by HR 扮工週記
    Annual Leave 大家請就請得多,亦都唔會陌生,雖然小編唔能夠代表所有公司,但相信大多數公司都會有規定 Annual Leave 最少以半日為一個單位,同事每次請假最少係半日。正當小編以為哩樣野已經好清晰,好難有咩問題,但原來小編嘅…
  • 嚟得見工嘅你,可唔可以比少少誠意? by M女皇
    有人黎見工,著牛仔褲,孭住個細到爭啲連電話都擺唔落嘅細袋仔,連淡妝都唔化下。咩事呀?去完 shopping呀?我就知道,佢唔會做到我同事。有人黎見工,外表正正常常吖,佢填完表,我問佢拎學歷證明黎影印。佢同我講: 「因為你地尋日係電話度冇叫我…
歡迎讚好我們的facebook page,免費資訊源源送上。

文章資訊

ID: 183633
Date: 2018-08-07 15:50:42
Generated at: 2020-05-29 07:34:26
Permalink: https://www.vjmedia.com.hk/articles/2018/08/07/183633/唔係藝術問題,大媽樣衰先係原罪