店大欺客

 

 

餐飲服務係一種專業,只有提供食物而完全沒有服務的餐廳是一種怎樣的光景?

 

一,餐牌自己睇,沒人幫你落單。

我指的是連機器也沒有,因為機器只是代人做了那項服務而已。沒人落單,請自行喺紙仔寫上要食乜,或直接入廚房同廚師講。

 

二,煮好咗嘅嘢冇人上菜。

呢點一般快餐都係咁,自己拎自己食物。但因為冇前台服務,所以所有嘢都請自行入廚房拎。擺太耐凍咗,或漏單之類,唔會有人跟。你可以追問廚房大佬,但佢9成會屌9你。

 

三,唔會有人follow你食物

舊肉生嘅,D飯唔熟,你想投訴?你可以自己入廚房俾廚房大佬屌的。

 

四,冇清潔

冇人清枱抹枱,其實係連餐具都唔會有,因為清潔同準備足夠餐具都係服務的一種。餐飲用具請自己帶,自己清潔。枱污糟,地下污糟,你諗你。

 

平日我哋出去用餐,其實受了很多服務。所謂服務,唔係要人哋當你係大爺先叫係服務,其實你正常落單,正常有清潔嘅餐具用餐,在合理的時間內上菜,有清潔的枱面,已經係服務。服務亦會影響飲食質素,例如廚房早早做好了一道菜,但服務人員遲了上,上到枱已經凍咗,已經有影響。

好多人成日話「嘢好食就得,我嚟食嘢唔係食服務」,就真係出街食咗幾十年飯都唔了解呢一點。專業的餐飲服務人員,唔止要有效率,態度好,有整潔外表,仲要熟悉餐牌食物,先可以提醒客人:呢道菜要等15分鐘/呢道菜唔係gluten free,不過我問下廚房可唔可以做到,etc。高級餐飲服務員仲有好多指引,例如,飲品要在落單後5分鐘上到,菜式的次序,有時仲要做sales推新菜式(要追quota的)。

如果真係有冇服務都唔緊要,香港就唔會有咁多人投訴食肆啦!事實上,侍應少D笑容都會俾人投訴。但就算服務得好好,香港人俾嘅tips都係偏少的。但偏偏到一間鋪出名服務差,香港人又會湧到去幫襯,仲大讚人哋有性格。

所以話,香港人係唔值有好服務嘅食肆。

 

 

關於作者:夏目貝

夏目貝

我有回應

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。