【詔定國是】港姐濃濃本土情,大灣區一小時生活圈玩盡羅馬威尼斯

 

之前志偉哥暗串港姐拍外景竟然唔係去越南西貢,而係香港西貢,無線即刻反擊呀!

據聞一眾佳麗真係衝出香港,去到麻甩夜遊勝地濠江!今鋪真係應景到震,仲好似話係澳門既漁人碼頭同埋羅馬鬥獸場留倩影添,今鋪真係要未簽賣身合同,都要講句多謝公司俾機會喇!

其實無線又駛乜怕人地笑到面黃?取道香港西貢,唔去越南,正正反映左本土香港既濃濃情懷呀,而正正係依家港澳大灣區同區同城,咩一小時生活圈日日夜吹日吹,天天起機果陣,去馬交望下山望下海,當然係無問題亦都配合十九大以來既區域戰略發展之至啦!雖然依家政治局常委日日要同美帝開拖打貿易戰打到好唔開心,但係大灣區政策始終要落實既!到時港姐齊齊去九個省市泳衣出場,係長隆又好,係十里銀灘又好,呢種先係大國掘起既風光呀。

既然都去得澳門漁人碼頭,唔爭在去埋威尼斯…人,同埋拜訪埋深圳既世界之窗呢?仲有,果度既科技創意咁發達,唔知除左可以指紋認證,可唔可以試埋咩比堅尼位呀,甚至波紋認證呢?呢啲先係搶收視同搶客戶既保證呀,唔好話我沖涼仙子唔俾條絕橋出黎。到時港姐做埋阿媽,又要出寫真,個仔又問李問盧果陣,阿媽就可以挺起35D 上圍好自豪話:

「果陣阿媽就係big big bay area 出身,你睇D相幾威!」個仔一定要以你為傲,唔會同學亦都唔會立講唱你阿媽,因為有阿爺照,國家任務黎。齊齊起立,敬禮!

 

關於作者:沖涼仙子

我有回應

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。