現世網絡發達，好多時都會有人用一種採訪路人拍成短片嘅方式去帶出一啲社會問題。不幸地，好多時路人由於唔係專業範疇嘅專家，當然會好容易畀出一啲充滿偏見同謬誤嘅見解。而如果影片冇好好咁去設計，例如取笑片段對比解釋嘅時間比例，就會好容易偏重喺呢啲偏見同謬誤，反而加強咗「個社會真係唔會明白我」（特別是對病患者）嘅鴻溝。