【塔羅個案】我以為個客擔心病母健康,原來佢只係想快啲分身家

文教 / 最新文章綜覽

 

耐唔耐會有客人黎問父母嘅事。係嘅,塔羅盡可能我都唔建議個客幫其他人代問,除非對方係你直屬親屬,或者嗰件事會直接影響到你;如果純粹想「幫朋友問呀」咁我會勸你叫朋友自己直接過來好了。

阿玲三十幾歲,打一份普通文員工作,可能工作辛苦,臉上早現歲月痕跡。

阿玲目無表情,佢話想問下母親嘅健康。

「佢以前為左屋企做野太辛苦,捱壞,病左幾年,我諗佢唔會擺得幾耐。」

我內心一沉,腦海飄過好多念頭,除左有少少淆之外(開著啲差牌嘅話,件事通常就會變得好 Heavy,我舖頭中嘅眼淚指數,好多時都係黎自生老病死),另一個念頭,就係:莫非阿玲係咪因爲照顧病母先咁殘呢?

我內心忐忑,默默洗牌,開牌。到底阿玲母親未來一年身體健康如何?

牌一翻開,我心一寒。

一對牌,分別是 Death(死亡)正位以及Star(星)逆位。

若對大阿爾卡那有基本認知嘅朋友,或者你睇到呢度,都同我一樣倒抽一口冷氣。

簡單黎講,阿玲嘅母親,相信神仙難求,生命已走入盡頭,一年時間,保守講句,比多左佢了。

我原本以為下一秒需要為阿玲遞上紙巾,但係佢居然露出愉悅的表情。

「好呀,咁即係間公屋係我架啦!」

⋯⋯What?

我有少少不可置信,「Sorry 即係咩野意思?」

「吓,我都三十幾,又無男人要,我老竇出面有二奶,有頭家架啦,所以我老母死左,間屋就無人同我爭架啦!」

我覺得有股涼意,由我雙手滲落腳尖。

所以,成頭家根本沒有一個人是真心擔心病人嗎?辛苦養大個女,結果而家只係等阿媽死分間屋;辛苦工作,結果個老公同樣地等老婆死,連搞離婚都慳返。

可悲,而我花了很大的力氣,不把我的忿怒表現出來,儘管我雙手抖震,亦是努力幫阿玲答埋佢另一條關於工作前境嘅問題。

然而她走後,我內心憤慨,久久不能平復。

不奢望天下盡是孝順兒女,也明白世間很多不盡人事的父母;但至少阿玲的母親很努力地做好該做的責任。

然而,她的下場卻是如此。

我內心只能夠希望,阿玲也好,佢老竇都好,喺佢媽媽仲有意識之前,忍一忍,唔好咁快露出真面目,至少,做戲做全套,唔好令老人家心碎著離開。

 

【塔羅牌個案分享】

後生女教友畀已婚傳教士搞大個肚唔認數
你話想生仔我咪唔避孕囉,我家下有咗你就叫我落?
名校老師婚外情的故事
女人就黎三十歲仲係 A0 係咪就叫有問題?
中女不諱言「我有 SP,但我唔會同我老公離婚」
老師的成功要訣:識人、埋堆,攀附權貴;作育英才已經行唔通。
邊個講出「分手」兩個字,邊個就係萬劫不復嘅千古罪人
女性客戶開口埋口「我認為」,咁你有無理過對方點諗先?

 

 

作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 183901
Date: 2018-08-13 22:55:20
Generated at: 2020-03-30 13:13:44
Permalink: https://www.vjmedia.com.hk/articles/2018/08/13/183901/【塔羅個案】我以為個客擔心病母健康,原來佢只