識我耐嘅客人，有時都會驚訝我放工之後的興趣是衝返屋企打機，我是有幸的，可以幾乎晚晚同輔仁總編開 PS4 Party 打機（此為炫耀 Play）。不過，我以前亦試過因為打機打太癲，而被前度所厭惡，被屋企人話我荒廢學業云云；所以有時見到啲巴打話女朋友唔比自己打機乜乜物物，我表面默不作聲，心裡倒是身同感受當中的無奈與苦痛呀～LOL
有一個接納包容甚至願意了解自己愛好嘅另一半有幾幸福？今次呢個 Case，放閃程度高達 99 ％，各位朋友請自備墨鏡。
傳媒經常塑造一個風氣，就係女朋友就等於唔識睇波、唔會打機（我指 Hard core 嗰啲）、唔識模型，淨係識睇韓劇美妝，搞到一眾港女水平好似社交障礙同埋智障咁。
唔駛急住反駁，今次，由我甜美可人心地又好嘅客人 Cherry 幫你地平反。
Cherry 由大學畢業後就開始搵我問工作方向，到而家不知不覺第五年了。出野做野無幾耐，佢經朋友介紹認識一個宅宅地嘅男朋友，兩人皆從事金融行業，人工尚算不錯，加上理財有道及各種原因，兩人加起來略有積蓄，近日男友暗示有結婚之意。
兩人想法很傳統香港人，覺得結婚也就應該置業，所以彼此都以此為目標，開始了節儉大計。
Cherry 黎搵我，係黎問一啲置業方面嘅問題。邊個地區回報好？幾時入市較適宜？話說我手頭上有幾個相熟的地產經紀客戶，我原想介紹予 Cherry（利申：我無收佣金架下），也提議了幾個最近我留意到不錯的上車盤，結果……
「太潮濕嘅地方唔得呢，同埋我 Prefer 舊樓，方方正正實用最好。」Cherry 婉拒了我的提議，我不禁好奇，若是作小倆口子初次上車之用，一下子將目標放遠，要付出的自然更多。
我笑說 Cherry 難道你的荷包比我想像中更厚？
Cherry 大笑，急著否認。
「唔係啦，我都努力儲緊錢架，同埋少少地咁做下投資。買樓雖然講好係兩個人夾，但係我覺得，我比到多啲，選擇又會多啲……」Cherry 臉上露出柔和的神色，「我男朋友自細有個願望，就係有一間玩具房，全間房都係玻璃櫃，入面就分類擺哂佢啲高達模型同埋 Figure 咁。我見你都毒毒地（我聽到呢度掩面……），你應該都知 PG Gundam 幾大隻架啦，佢淨係 Sazabi 都有幾隻幾個 Size，都未計佢買豆魚雷定唔知咩啲大 Figure，個個都好高大，地方唔大啲，佢咪擺唔到囉！」
/w\。
你明唔明喺我苦悶（喂）嘅工作時間裡面聽到大量熟悉嘅 Terms 係一件幾咁振奮嘅事？豆魚雷呀，阿 Cherry 連呢啲廠名都記得呀，到底你男朋友有幾毒……我意思係，佢每年投放幾多資金喺玩具上面呀喂？日本啲大 Figure 呢，即係例如 Bloodborne Clock Tower Maria 我到而家都唔捨得買呀，日本 Amazon 炒到上十萬 Yen 呀，我真係爆肝見客都唔掂。
「你男朋友有無講過自己好幸福？如果無，我幫你寫篇文，你比佢睇。」
「呀，咁點好呀！」Cherry 笑到傻左，「我又真係無咩所謂，佢開心咪幾好，況且擺個飾櫃之嘛，算得上係啲咩？」
唔係架，Cherry，我覺得有必要比佢知，你呢份心意，如果你係我女朋友，我一定點都同你求左婚先，千金難買一顆真心呀！但係男朋友都係時候忍忍手，真係好想要先好買，喂你咁買法真係賺幾多都唔夠架……
你話想生仔我咪唔避孕囉，我家下有咗你就叫我落？
名校老師婚外情的故事
女人就黎三十歲仲係 A0 係咪就叫有問題？
中女不諱言「我有 SP，但我唔會同我老公離婚」
老師的成功要訣：識人、埋堆，攀附權貴；作育英才已經行唔通。
邊個講出「分手」兩個字，邊個就係萬劫不復嘅千古罪人
女性客戶開口埋口「我認為」，咁你有無理過對方點諗先？
我以為個客擔心病母健康，原來佢只係想快啲分身家
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年8月14日
