雖然香港喺1997年7月1日就回歸左中國，但係北大人成日提醒我哋呢啲港燦「人心未回歸」云云，本來我都唔係好信，睇到民建聯嘅社區主任搞地區服務，竟然搞日本鬼子玩意「夏祭」，就好似醍醐灌頂一樣。
呢個活動就未搞嘅，見到嘅只係張banner，上面有兩位後生仔女，一個吳啟泰，一個龔美姿，左上角有民建聯logo，右上角有葛珮帆寶號，已經令我感受到嘅嗰種憤慨，就好似搭緊680出港島，竟然喺濱景花園就被轉入小瀝源工業區嘅貨車塞到2046，想鬧人都唔知鬧交通警定係規劃地政好。
明明我哋中華民族巍巍五千年，歌仔都有得唱「青青子衿悠悠我心」（《詩經。鄭風》），著乜L 嘢浴衣呀，無漢服咩我哋？漢服呀，唔係和服呀。
福袋係日寇呢啲化外之民促銷手段，其實呢，唔識唔緊要，上百度睇睇丫嘛，百度都話福袋呢啲咁嘢，係小日本嘅百貨公司新年為左散貨而整出來架嘛：
而家啲後生真係唔啱，點可以忘記日軍侵華呢啲慘絕人寰嘅歷史？
七七事變、南京大屠殺，呢啲國恥，點可以就咁當吉野家牛肉飯咁食左佢？
古語有云「前事不忘後事之師」（戰國策），而家正值中美貿易大戰，國家領導人為左民族尊嚴都夙夜匪懈，點解喺香港嘅基層幹部，丫唔係，係民建聯社區主任，就竟然通敵小日本，公然哈日，呢啲成咩體統呢？
趁個活動未搞，摺左佢算啦，上埋文匯報你地就大鑊喇。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年8月17日
