接連爆出香港人去外地遊行為左搵著數無所不用其極既醜行，但呢啲事，一早唔係一朝一夕。
得罪講句，我成日覺得，我地認為黎旺角尖沙咀賣唱既人神憎鬼厭，因為佢地唔尊重其他人，濫用左人與生俱來應該有既自由，但到香港人去到人地既地方觀光旅遊，有無做好本份？定係同班大媽一樣咁低格？人地會唔會當大陸人一樣看待我地？定係一樣做出Ｄ令旁人為之惻目既行為，令到人地對於香港人既評價亦都一日低過一日，甚至寧願唔做我地既生意？係好多國家，一早已經當左香港人同大陸人一樣，其實都係咁仆街，盡量敬而遠之。
廣東話用兩個字用得好活靈活現，就係「著數」係用黎「搲」既（1 聲），再唔係就係要用黎「摞」（2聲），甚至係要配埋「死」字一齊用，「死搲死摞」。
呢兩個字我都相信唔係正字，但你一定會明白我講咩。本來著數就係無既，但係死都要有，點樣都要屈到出黎，咁先會用到呢兩個動詞。酒店要有優惠，食餐飯投訴下人地服務唔好又要免呢樣送果樣，最好有埋 discount ，搭飛機要有得免費升級商務，好多人都覺得咁樣做係理所當然既，自己既權利，點可以唔要？食肆又係唔係都霸住位 book 左先，有咩事咪到時 last minute 先 cancel 囉。去到邊都大聲講大聲笑，招搖過市，你估你真係以為人地識分你唔係講緊國語係廣東話，就會當你高返人一等另類招待咩。
香港人好多都對日本既文化趨之若鶩，一日開口埋口都話返屋企。但人地既文化底蘊內涵有無學好？成日仲當自己係咩日本好朋友但其實不斷破壞緊人地日常安寧，人地唔單止會睇唔起我地，仲只會有無限既恥笑。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年8月18日
