HIGH DIP學生妹口中嘅呢個好好嘅人，係一個四十幾歲嘅未婚中年大叔，佢喺政府入面做CO II，即係二級文員。佢同好多做咗好多年政府寫字樓工嘅人一樣，老油條冇乜生氣。不過自從HIGH DIP學生妹入咗佢個組之後，佢就有生氣咗好多，平日指導HIGH DIP學生妹做嘢，特別積極同細心。相反，我哋其他臨時工，喺其他組入面，就得唔倒相同對待，有時仲會俾啲變變地態嘅大嬸彈我哋做嘢唔得，難怪HIGH DIP學生妹會覺得呢位大叔特別好。