Kin 偶爾會黎搵我問下工作方面嘅問題。佢份工經常要見客，所以佢為左保障事情唔會出紕漏，通常都會黎問我拎下意見。
我知道 Kin 有位拍拖幾年的女朋友，佢以前黎都會提起與女友的趣事，但係今次上黎卻一字不提，我不禁心生疑問，多口問句，兩位可是安好如昔？
「啊，我地分開左了。」Kin 臉上露出自我嘲諷的笑容，「你有時間嗎？我長話短說同你分享。」
Kin 與女友年紀相約，轉眼快將 30 歲。女友是位基督徒，Kin 雖然對宗教無甚興趣，不過一個月還是會陪女友番一兩次教會，然後再同佢屋企人飲茶，「我覺得自己算係咁啦，係咪先？」
啱呀，我默默點頭，星期日，我絕對會選擇喺屋企瞓到 2046。
然後，女友開始心急結婚，大概是見到早排娛樂新聞鄭家穎陳凱琳結婚嘅新聞，恨嫁不特止，仲想去峇里搞。
「我公屋出身，屋企早幾年上到居屋，家姐嫁埋，環境先叫好少少；我唔係無諗過結婚，但係結婚之後住邊先？叫佢黎同我跟老竇老母住？佢用開工人，佢點會肯！好喇，搬出去租單位，叫佢住劏房我都於心不忍啦，話哂佢屋企家境本來都唔差，如果我咁對佢，我諗佢唔溶我，佢父母都會溶左我。」
我苦笑，Kin 的狀況，也是香港的老生常談了，小倆口子如何成家，大概是所有交往中情侶最必須要面對、同時也最不想面對的問題。
「因為你無錢結婚，所以佢同你分手？」
「佢話我無表示，我好老實同佢講，我真係想儲多兩年錢先。佢發脾氣，話簽左紙先都得，我忍唔住話佢，有無諗過佢父母感受呀？先斬後奏，兩老唔會高興，聽得多怨言，最後一定會搞到佢後悔的。」
Kin 講嘅我目前都覺得合理。
「老老實實，我地因為呢件事冷戰左半個月，講黎講去都無共識，如果佢係求其一紙婚書就滿意嘅人，我有咩所謂吖！但重點係我知佢事後會怨我，所以我寧願佢等我多一陣，到時明媒正娶、風風光光，比佢同佢屋企過足癮，咁唔好咩？」
「所以你同佢分手？」
「我唔知係邊個飛邊個，是咁的，我當日真係有少少愧疚，覺得如果自己早幾年做野比心機 Chur 盡啲，賺埋啲 OT 錢呀，接下 Freelance 呀，話唔定而家戶口會實在好多，咁就可以大大聲同佢講話『結婚啦』咁樣。但係，而家我講唔出。我只能夠要佢等我。點知，當我將呢番說話同佢講時，佢目無表情，聽完之後，你估下佢講左咩？」
「喂師兄咁樣好難估，快啲直接講。」
「佢話我講咁多，都係為左唔同佢結婚而搵藉口，佢話既然係咁就算喇喎，唔辛苦我喎。」Kin 不置可否，「我同佢講對唔住，我真係無錢；佢同我講，唔緊要，主會寬恕你！」
我反白眼反到去西百利亞。
「聽到呢度我都要感謝主。」Kin 繼續講，「我原本真係有愧疚，佢無啦啦講咩主會寬恕我，我 Di……對唔住神婆，我唔喺你面前講粗口，但係，我 OK 呀，佢呢句講完，我真係乜野自責感都無哂囉。」
無心冒犯任何宗教，不過呢位女子，你男朋友家下係無錢同你去峇里結婚啫，佢唔係殺你全家害你終生喎？寬乜野恕呀？作奸犯科佢衰邊瓣呢？你番教會番咁多年，點解都好似學唔識咩叫「將心比己」同埋「大愛包容」呢？
唔知呀，我份人就好厚道，我覺得阿 Kin 唔駛同呢位女朋友結婚，可能都係神嘅旨意黎嘅，一定係為左比佢女朋友日後行更好嘅路，先要佢遇上阿 Kin 呢個窮撚嘅試練呀，我係咪講得好啱呀哈姆太郎？
你話想生仔我咪唔避孕囉，我家下有咗你就叫我落？
名校老師婚外情的故事
女人就黎三十歲仲係 A0 係咪就叫有問題？
中女不諱言「我有 SP，但我唔會同我老公離婚」
老師的成功要訣：識人、埋堆，攀附權貴；作育英才已經行唔通。
邊個講出「分手」兩個字，邊個就係萬劫不復嘅千古罪人
女性客戶開口埋口「我認為」，咁你有無理過對方點諗先？
我以為個客擔心病母健康，原來佢只係想快啲分身家
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年8月20日
