【神婆雜談】七月十四講呢啲：去旅行酒店床尾對鏡廁所仲陰陰寒⋯比著你會點？

同大家分享我最近聽到嘅一個故事。

唔少朋友喺辭左上一份工之後，趁開新工之前嘅短暫休假，都會去個快閃旅行 Relax 一番，從事廣告業嘅 Mandy 亦都唔例外，不過佢唔慣獨自出遊，於是求其搵左個咁啱有得放 Annual Leave 嘅姐妹，一齊去某熱門亞洲國家，諗住食玩瞓親飽，充足電再回港再戰。

兩人選擇的酒店開業一段時間，真實裝潢比相片當中所見的要殘舊一些。

「喂少少貨不對辦喎⋯」Mandy 埋怨。
「我覺得 OK啦，都唔係喺度好耐，我唔會加錢轉房架。」

朋友 Cindy 口中如是說，但已經眼明手快地把行李喼拉到近窗邊兼較寬敞的一邊床位，一屁股坐下。

Mandy 皺眉頭，沒奈何地放下行李，煞有介事地往洗手間門輕敲兩聲，開門後見廁所乾淨，心想，應該自己多心啫，雖然自己的床尾對著一扇陳舊大鏡，又雖然傳統好似話床尾對鏡唔好……不過，Mandy 心想，算了，哪有這麼巧。

二人略作梳洗後馬上外出覓食，購物，約莫九時左右才回到酒店。Cindy 月事到，Mandy 讓她先洗澡，Cindy 帶著手提電話，大聲播著流行歌，Mandy 一邊哼著「喜歡你讓我下沉」，一邊把今日外遊的照片 Upload 上 Facebook。

然而，從洗手間傳來的歌聲突然打頓，變成「你……也喜……歡……虧……待我……」，Mandy 不禁一驚，大聲問一句「喂你電話 Short 左？」

Cindy 披著浴巾就衝了出來，「你係咪開大左個冷氣？」

Mandy 一呆，「我無喎。」

Cindy 臉色一沉，面有難色，「廁所突然好凍。」

Mandy 心中緊張，但還是強作鎮定，「都叫左你今日唔好食咁多凍野，係咪 M 到血氣唔好凍呀？開大啲熱水？」

Cindy 苦笑，不置可否，「唔知，廁所突然好凍，然後個電話就播歌播到咁。」

兩人對望，默不作聲，Mandy 默默地將椅子拉到廁所門外，「你開半度門，我喺度陪你。」

這次，換作 Mandy 開音樂播放器， 容祖兒的桃色冒險，心諗，夠正氣喇啩？

二人是晚，開了廁所燈，開了靜音電視，關上教簾方敢進睡。然而，Mandy 與 Cindy 心中其實早覺不安，各自於被窩中按電話上網，睡意好不容易襲來，突然一陣強光從窗外照射進來。

Mandy 半睡半醒，只見強光離自己越來越近，自己想轉身，卻發現自己動彈不得。Mandy 努力掙扎之時，強光告退，取而代之的是襲人的寒氣，Mandy 心知不妙，唔理有無用，心中默默念起小學教落嘅主禱文。

這時 Cindy 驚呼一聲「吖！」，Mandy 突然可以郁得返，霍地從床上住起身睜開雙眼，眼尾卻見一絲白煙從床尾鏡子中拖行往房門離開。Mandy 心寒，但關心朋友要緊，轉頭一看 Cindy，只見佢嘅枕頭跌落床邊，而 Cindy 一臉驚惶，和 Mandy 不安地對望著。

「有人扯我枕頭……」

Mandy 二話不說衝落床，開哂全房嘅燈，開著電視嘅聲，「執行李，我地換房。」二人馬上更衣，將所有行李隨便收拾，電話都費時打，直接衝落酒店大堂。

我聽到呢度，早就喺我張櫈度縮埋一舊，弱弱地問了一句，「最後其實發生咩事？」

Mandy 講到呢度都猶有餘悸，「間酒店都勁呀，原本我地話轉房，佢地都問係咪有咩唔滿意，然後經理望一望我地個房號碼，同個櫃檯姐姐唔知講左啲乜，即刻笑哂口幫我地轉房，仲要轉間有景睇嘅大房，又話送早餐又剩，我心諗，即係晨早知間房唔對路啦！」

我……/w\。

「最慘係 Cindy，佢話佢都見到白光，我地明明落哂簾，出面又唔係對馬路，二十幾樓呀，唔通有貓巴士車頭燈呀？」Mandy 極為不滿，「佢個枕頭係比人扯跌架，嚇到佢之後幾晚都痴實我瞓呀，早知係咁就唔鬼去呢間酒店！」

「咁有早知就無乞衣，人無事就好……不過……」我細細聲問佢，「喂，邊間酒店，講黎聽，等我以後 Blacklist 佢。」

嗱，我唔會開名的，不過呢間喺網上面都好似唔係第一次比人話有野，大家去外旅前，如果細膽或者求安心都好，上網搵下有無相關資料啦 LOL

【塔羅牌個案分享】

你話想生仔我咪唔避孕囉，我家下有咗你就叫我落？
名校老師婚外情的故事
女人就黎三十歲仲係 A0 係咪就叫有問題？
中女不諱言「我有 SP，但我唔會同我老公離婚」
老師的成功要訣：識人、埋堆，攀附權貴；作育英才已經行唔通。
邊個講出「分手」兩個字，邊個就係萬劫不復嘅千古罪人
女性客戶開口埋口「我認為」，咁你有無理過對方點諗先？
我以為個客擔心病母健康，原來佢只係想快啲分身家

作者：神婆

非典型占卜師，唔神秘，無形象，除了鐘意聽客人講故事，夜間興趣係打機睇動漫同撚貓。https://www.facebook.com/FortunaMessage

閱讀後覺得好，請多多讚好及分享～：）