我極之唔鍾意某兩位投進黨懷抱嘅男偶像明星。我認我膚淺，唔係因為咩「政見不一」咁高尚，單純就係唔啱眼緣。
一日喺親戚面前唔小心講咗句真心話，有人就好不滿咁話：「你點可以唔支持香港人？」
我當堂嚇一跳，然後得啖笑。
係香港人就要鍾意佢？！大佬，追星都係想開心，做咩要用「香港人」哩個身份騎劫我？
先旨聲明，歌手同偶像係兩回事。偶像本身就係賣形象，當然要係睇樣睇高度睇身材先，唔好拖埋創作派／實力派歌手落水呀。
追偶像明星嘅標準真係由細到大建立返嚟，香港哩方面真係好失敗。自問算係追偶像明星追得好濫，不論男女地區身高年齡，只要你樣靚／唱歌好聽，我都可以追下。細個都有追過香港明星，但家陣呢……真係要一而再，再而三咁降低底線先可以忍受。
新一代偶像質素大可以從各國選秀節目略見一斑。
每次睇韓國練習生真係好慘，唱歌跳舞好係必須，個個至少都訓練兩三年咁，但絕大部分都比我一種「你唔啱做明星，唔好浪費時間啦」嘅感覺。從Produce 101系列裡面，佢哋總會令人覺得係 「工廠標準商品」。計埋有啲訓練咗好少時間嘅同學仔，佢哋起碼唔唱得都跳得，唔跳得都睇得。雖然有實力唔代表會紅，但起碼都比人多啲機會睇下你呀。
同韓國練習生比，中國練習生再差一輪。中國版偶像練習生同創造101睇出對中國而言靚樣嘅重要性。不得不提有兩位Produce 101 s2落選者係偶像練習生頭九位其中兩位，呵呵。雖然韓國練習生實力完全拋離中國，但我真心認為中國版出道嘅比較多靚仔靚女……
香港目前真係追唔落手呢。除左faith，天堂鳥同Suga Lam，近年娛樂圈仲有咩人稱得上有talking point？如果真係要將佢哋當成係香港偶像明星，你唔醜我都唔好意思啦下話。
之後一定要講下被譽為「香港版produce 101」嘅全民_星。我如果係produce 101製作人，睇到一定會吐血三升。唔睇唔知，香港人之中有咁多無自知之明嘅呀豬呀狗，令我哩個近年追開韓國偶像嘅膚淺女仔眼界大開。 向大家誠意推薦～歡迎鍾意以支持香港人嚟道德綁架他人嘅各位去挑戰下。追慣韓星的話可以當係笑片追～
凡夫俗子如我，都係去睇返produce 48 算。
（頭盔：全民_星中有幾個唔錯㗎……但唔可以將佢哋當偶像睇，起跑線都唔同……）
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年8月27日
