歐鎧淳BB 豬當港隊FANS 係狗咁撚,你今日俾左心心未?

 

 

識玩輿論操控一定學香港泳總,一定學歐豬BB。

輿論操控最深嘅層次,就梗係好似Inception 咁,玩意念植入,咁樣先至係長治久安。舉個例,只要令人真心相信呢個世界無好人,咁嗰個人就會停止對真善美有任何追求,咁就唔會用任何精力去糾正當權者嘅錯誤。

當香港代表隊喺今屆亞運表現突出,香港人對於自己嘅身份認同又高左啲,體育從來都係好好用嘅,當年北京搞奧運,香港有份搞個馬術,幾多香港人突然愛國?今次女子游泳接力,喺中國隊被DQ 之後,香港遞補奪得銀牌,港人,至少喺輿論上,突然愛港多於愛國。

國家認同緊要定係本地認同緊要?你唔係要我講呀嘛?點可以俾愛港主義高過愛國主義?咁點算?

就係所以我點解讚泳總同埋歐豬BB 識玩。

 

從來沒有想過事情會發展到如此地步⋯⋯但事到如今,我能做的是自己先站出來說說我的感受。首先,我想感謝大家對事件有如此反應,雖然跟我想像中的有點出入,但我還是要感激大家對我們的關注。我必須承認在沒有準備充足,並低估了公衆反應的情況下在回…

歐鎧淳 (Stephanie Au) 發佈於 2018年8月28日星期二

 

運動成績可以振奮人心,因為一般人都相信,運動員都係透過自己個努力不懈,令自己嘅表現比全世界其他人都優勝,然後先可以喺比賽場上擊敗對手,每個人心入面最深處,都係希望相信努力就會獲得好成績,都希望相信優勝劣敗,當見到同自己同一個社群嘅人獲得好成績,都會分享到佢嘅優越感,「香港游水最叻嘅人,喺世界比賽都係會獲得好成績嘅」

香港隊表現優異而鼓起愛港主義,要摧毀呢樣嘢,應該點?最直接就梗係摧毀港隊。

歐豬BB 身體力行,好成功咁完成左組織俾佢嘅任務。無論佢真係直接接呢單JOB,定係唔覺意玩出火。

泳總委員同埋個仔,連同亞運代表隊遴選機制被輿論追殺,本來喺呢個日日都有不義嘅香港,根本唔會炒得起去邊,只要泳總繼續龜縮,過幾日就會好似高鐵同沙中線咁成為既定事實,香港人就會認命。但點解明明過左幾日都丟淡曬,突然要動用全部亞運代表隊成員,一人一聯署咁出篇聲明?

泳總一定係計算到,只要廣受香港人愛戴嘅歐鎧淳一出呢啲,就會立即引起討論,而呢個討論,目的唔係要說服人地泳總係啱,目的要令人覺得香港運動員只係腐敗制度之下嘅庸眾。

歐豬BB 煞有介事話自己篇文係「對此風波最後撰寫的貼文」,想玩一錘定音,就更加係欲蓋彌彰,本來無一物何處惹塵埃?唔係你(被泳總下令)講起件事,一早丟淡左啦,而家你自己又打幾百字,連開名都唔敢咁樣話「支持一個人」,客觀效果已經好明顯。

成件事最唔知點企嘅都係香港隊啲支持者。

你想撐歐豬BB 呀?佢日日派膠,仲助紂為虐。

你想撐港隊呀?在上位嘅人當係私器,自己個仔鳩游都有得入選,其他人你慢慢自己落樓下泳池玩。

你想唔理是非只撐港人?有無諗過人地只係當你狗咁撚?

最好就唔好諗咁多,俾心心啦。親~

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 184500
Date: 2018-08-28 19:19:25
Generated at: 2019-02-17 08:53:15
Permalink: https://www.vjmedia.com.hk/articles/2018/08/28/184500/歐鎧淳bb-豬當港隊fans-係狗咁撚,你今日俾左心心未?