【過左先講無謂嚇人】我眼中嘅孟蘭節，係一街都係戈林（魔戒嗰隻）

啱啱過完孟蘭節，過左就不如講下故啦。

作為一個擁有陰陽眼嘅人，成日聽啲乜乜大師、乜談、敲乜門個啲節目，真係得啖笑。由於咁樣玩爆大鑊尤如即場拆人情，甚至打爛哂人地啲飯碗，所以都係低調少少發下嘮騷就算。

成日話七月十四唔好出夜街，其實我可以話你知，踏入農歷七月初一，任何一條街道，已經開始周街有「人」… 越接近七月十四，就會越黎越多，通常去到七月初七左右，條街其實已經塞滿哂「人」，好似昔日旺角行人專用區咁…

孟蘭節其實又稱「餓鬼節」，我契爺每年都會係某東南亞國家搞下講座，同人介紹下餓鬼節係做乜，人點解死後會循落餓鬼道變成餓鬼，之後搞下慈善籌款希望多d福報，少d餓鬼。簡單介紹，就係因為人有「貪嗔癡」，過大既慾望會導致人死後變成餓鬼，餓鬼既食道好似針一樣幼細，個肚超大，寓意慾望無窮。餓鬼好想食嘢飲水，但係食道太窄，好難好難先吞到，唔好以為吞到就無事，一吞落肚d 嘢會化為灰燼，成套人設真係好狠毒，唔知邊個諗出黎…

好啦，唔深究人設呢d 嘢，大家可以自己查典籍。我最有點想講既係，啱啱我上面講農歷七月通街都係「人」，其實全部都係餓鬼。邊到有人燒衣，佢地就會狗衝埋去搶食，搶還搶，搶到都食唔到，所以成個七月都係無止境地搶… 隻隻同lord of the rings 既gollum 撞哂樣…好多人都會問「你唔驚既咩？」，細個係幾驚既，比鬼壓見到d鬼，仲要聽到佢地講咩，其實都幾灰下，想同自己講「scientific 啲啦」都好難說服自己… 不過當你已經重複經歷左三十年，出於自保，自己都有套方法對付佢地了… 呢d下次再講…

通常七月份，行街我都盡量dup低頭行，佢地唔一定係路邊，係周街都係，所以平時行一定會walk through過n隻，根本無得避，同埋鬼其實係無分日頭夜晚，夜晚再狼死啲咁解，所以盡量令自己完全無視佢地就最安全…

但係如果一唔小心同d較高level的餓鬼對上眼，就會即刻狗衝埋黎咬9我！比佢地咬中一嘢，小事就成隻手或半邊身麻左幾粒鐘，大事就發陰燒發一日，好似感冒發燒咁成個人超興超熱，但量溫度永遠都係正常…話說回頭，七月叫「鬼月」堅係名乎其實，每年七月初一都開始黎料，街上開始多鬼，慢慢build up 去到七月十四，係成件事最peak既位。但其實成件事會比較似爬山，初初山腳無乜事，爬上去好攰好辛苦，但係差唔多去到peak既時候，已經慣左好攰好辛苦，仲上到個platform位可以休息下，七月十四係差唔多去到個回落位，要病要唔舒服既話，前十四日已經食哂…每年既七月，對我黎講都好繽紛，真係鑊鑊新鮮鑊鑊金，今次介紹完，下次再講實況。

作者：小白

擁有超凡視力的人，低調解說平行空間。

閱讀後覺得好，請多多讚好及分享～：）