明明自己知做運動員嘅辛酸，但就偏偏拜倒權力之下嘅人

做運動員要講天份、講努力、講操練，缺一不可。話哂你要挑戰嘅係世界上嘅精英，好多時比賽就係睇嗰「啲啲」：跑快啲啲所以拎到第一，差啲啲入唔到波最後輸場比賽，所以由細操，日操夜操，做運動員真係好辛苦。

連我都知嘅事，歐鎧淳冇理由唔知。

歐鎧淳話隊友比大眾迫到接近崩潰，大家應該比啲空間佢——唔好意思，如果佢真係有實力代表香港出戰，係一個成熟嘅運動員的話，佢應該係證明比人睇選佢出嚟係冇錯，而唔係同老豆哭訴再叫全部隊友出個聲明撐佢。前NBA明星高比咪仲多人討厭仲多人鬧，唔同佢就要即刻退役喊苦喊忽？郭家輝更有實力，喺冇人脈關係下不公平地落選，歐鎧淳點解又提都唔提？因為郭家輝只係草根？而吳欣鍵因為係泳總委員個仔所以更值得巴結？點解游個水都好似落Club搵有錢仔咁？

我一直以為人係會識美雄重英雄，歐鎧淳有咁嘅實力一定係苦練好耐，但佢唔單止冇為郭家輝抱不平，反而為個完全冇料到嘅權貴子弟護航，我真係跌哂眼鏡。曾經我都為佢地由第四變第二而興奮，曾經我都覺得佢地真係有打不死嘅香港精神，但原來佢地係就係有香港精神，不過唔係打不死，而係以利益為先同巴結。

由依班人代表香港？都幾貼切嘅。

作者：毛言地

你有多久沒去找自己的理想？搏殺一天，回到家，倒頭就睡。 無言，只因生存太累。談理想？妄想； 毛言仍言，只因理想，本就是「理應去想」 http://www.facebook.com/MaoYanDe

閱讀後覺得好，請多多讚好及分享～：）