【神婆雜談】少女抱恙唔讓座，肥太太當住個仔鬧人：「做人咁無良心點會有男人要～」

坐車，隔離個女仔我一上車就聞到佢有藥油味，面青青咁，擺明唔舒服，所以我起身比左個位佢坐。起先佢推辭，我望住佢，佢望住我，大家咁高咁大，佢苦笑，回我輕輕一句「唔該」。

適逢有一圓潤少婦拖住個三歲小朋友上車，一黎就直望住個女仔，一方面就同個仔講「哎呀軒軒你係咪好攰？叫姐姐比個位你坐好無呀？」

個女仔望一望呢位肥太太，乜都無講，繼續閉目養神。肥太太見無人讓位比自己，拎左個電話出黎開始錄 Voice Message。

「啲女仔自己無仔生，係唔會體會到我地做媽媽嘅辛苦架～」
「咁又係呀，做人咁無良心點會有男人要～」

我聽到呢度，咁啱發現個女仔望住我，然後二人會心微笑。啱呀，讓座與有需要人士，我地呢啲廢青係需要坐多啲架喇～

【塔羅牌個案分享】

作者：神婆

非典型占卜師，唔神秘，無形象，除了鐘意聽客人講故事，夜間興趣係打機睇動漫同撚貓。https://www.facebook.com/FortunaMessage

閱讀後覺得好，請多多讚好及分享～：）