2018年暑假的最後一個星期日，我選擇左坐定定係電視前面睇……《兒歌金曲頒獎典禮1998》。
能夠翻看20年前的經典節目，實在令人感動，好多兒歌都識唱跟住一齊唱，《前進呀！Gulliver Boy》啦，《皇家雙妹嘜》啦，《超人的主題曲》啦，然後……然後就只有一陣唏噓。
「成廿年前有乜好睇呀？」可能啲零零後會唔多知以前發生咩事。《兒歌金曲頒獎典禮》在1992年開始，每逢暑假尾就會播，象徵TXB兒童節的高峰點，亦同時告知各位小朋友：暑假將結束了！後來兒歌更多，愈做愈大，2002年-2003年更加快至半年一度，係小朋友心目中的年度大事。
後來嘛，港產的兒歌少了，再填詞的動畫兒歌也沒怎麼做，2009年之後，就沒有再做這種頒獎禮。
轉眼之間，離最後一次頒獎禮已經差不多十年。
社會有什麼改變了？不好意思，我個人認為一切都變差了。以前每周放學只做一至兩集動畫 (我返下晝班仲要預約錄影) 的期盼，變成了串流一按即有；以前每年為心水兒歌投下一票，如今卻淪落到Do姐有兩票的低能選舉；當然還有以前一堆好詞好曲的兒歌，一班兒童節目主持伴我成長，今日卻連兒童節目都cut埋，成個大台只有做愛回家式的正能量扮支持。
究竟廿年間發生了什麼事？我沒法一一考究。不過學童自殺率高企成了上一兩年的新聞主題，新一年又要死幾多人，真的難以估計。我非常有理由相信，少了兒歌，真的令小朋友自殺率增加。
唔好講睇動畫可以輕鬆啲呢類咁低層次的論調啦，兒歌唔係你想像中咁簡單只係唱下啲啦啦啦啦的低B歌詞，以前啲詞求求其其都搵到叫你唔好放棄、勇敢面對、做人正直的訊息，好似《超速龍球》，或者係《下一轉再見》、 《一千倍動能》、《不必放棄》、《愛心一百次》、《自動勝利Let’s Fight》、《皇家雙妹嘜》、《非一般格鬥》、《愛心一百次》……呢啲歌到我上大學係圖書館趕緊paper都聽住做，唔係分分鐘我已經係某大樓度跳左出去。
以前追動畫睇至Net小人類 (曝露年齡了)，緊接有一班歌星叫我「磨練每分每一秒，憑著那繩索一條」，又叫「碰到挫折，你我仍然 no no cry 」，又或者「BELI BALA BELI BALA不驚會跌倒」……
最緊要都係呢句：「一同拍掌全力讚賞，生存是有價~」
失兒歌，也失了樂壇。以前歌手唔多唔少要唱一兩隻兒歌，務求由細路到大人都知自己唱緊幾隻歌；填詞人就更考功夫，要寫啲小朋友又明，又唔係情情撘撘嘅野，又要正能量，夠熱血，其實分分鐘煩過搞一般流行曲。
今時今日，大台作為大台，不太支持香港樂壇發展，兒歌也沒落，社會缺乏真正正能量，是否應該負返少少責任？我都明唔一定咩都關佢事，不過實際結果論來看，大台責無旁貸。最後我強烈要求……大台重播一下《百變小櫻magic咭》得唔得?
最後為大家送上正能量首本名曲，王馨平唱的《生命有價》:
生命有價
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年9月4日
