仇男咪仇男囉，又要講到自己係為左平等咁

笑女權主義者，係唔係即係唔覺得女人應該同男人有相同權利、地位、待遇？梗係唔係啦，如果我打份工個女同事明明同我做同一樣野，但正正只係因為佢係女人就收少我一截人工，我都會嬲會反檯。又或者拍拖結婚係唔係要個女人做牛做馬，唔准出街返工拋頭露面，當個女人係自己財物，做乜都要男人批准？屌你其實99.999% 憎鳩女權主義嘅男人都唔會咁戇鳩想湊多個人，你估負多樣責任好好玩架？你行街睇戲食飯痾屎都要我去批准唔煩架？將反對女權主義嘅男人幻想成極端父權只係女權主義者自己一廂情願去維護自己存在嘅想法。

咁我做乜唔鍾意女權主義者？假囉，雙重標準囉，一邊反父權一邊享受父權紅利囉。嗰時 Metoo 運動開始個陣有人嘈唔可以未審先判，要尊重法治睇證據。啲女權主義者就嗤之以鼻「哼，我唔相信呢個法治呢套國家機器好耐架啦。」，又話：「要受害人舉證即係二次創傷。」即係點啊，即係話「寧願有人俾人屈都要保護呢個鳩噏嘅權利。」，一邊講到強姦係反人類嘅終極暴行，但又諷刺地認為咁嚴重嘅指控係唔需要有嚴謹嘅證實，唔使講證據。講就講話係提升女性地位，鼓勵女性站起來反抗性侵，但實際上只不過係一場用溫柔嚟包裝嘅殺人刀去毀滅一啲自己睇唔順眼嘅男性。仇男咪仇男囉，又要講到自己係為左平等咁，唔假咩？

我曾經認識一個女人，成日批判社會點樣父權法。就快三十歲人就係會伸手問自己老豆攞錢，靠男朋友養佢，自己心頭高又懶學歷又唔相襯做唔到manager 位就唔做，就成日講個社會點樣限制女人做管理層。講白啲咪就係啲廢人懶人為自己無能同懶惰開脫嘅藉口，等自己振振有詞而且心安理得去一邊使男人錢一邊屌鳩啲男人搞到佢自己都養唔起自己。

最好笑係，啲女權主義者成日攞強姦出嚟講，呢個爭住認自己俾人強姦過，嗰個爭住認自己差啲俾人性侵。但，佢地真係咁覺得強姦係錯咩？我親耳聽過啲成日口講女權嘅臭閪，喺我面前抱怨一個因為細個俾人性侵犯過而變得情緒容易不穩，性格古怪嘅男仔「佢俾人搞咪俾人搞囉，都唔知係咪佢自己攞嚟嘅！你知佢個時幾出位架啦成日周圍識人。」哈，metoo 嗰陣就識話要無孔不入去照顧啲女人嘅感受，連無罪推定、舉證都唔使。然後當受害人係男人，啲女權閪就blame the victim，其實呢啲仆街八婆有乜資格咁大聲啫？

另外，雖然生活上有時男人同女人之間係有爭執，兩性都會成日講「啲男人點點點啊」、「啲女人性性性啊」，但你覺得佢地真係打從心底憎恨異性咩？Come on James，大個啦，男同女連腦部結構都唔同，自然行事思想上都係會有衝突架啦，但你唔係覺得，上昇到社會層次、結構、政治，大家真係覺得千錯萬錯都係異性嘅錯啊？所以我笑鳩女權主義者嘅原因，係因為佢地根本就冇好好認識過女性同男性，純粹就係將自己人生嘅苦難同不幸推落性別到發泄，基本上你推落種族、階級、物種到都賴得通架。不過，你睇到好多人都「未覺醒」嘅原因係佢地面對人生失敗個陣，冇是是但但搵個麻甩佬出嚟打。

你話香港係一個仇女社會，高登仔一日到黑都話女人係雞。挑，咁你咪唔了解社會囉。高登仔除左仇女之外仲仇男架，大把男人俾佢地話係狗公、USB；基佬就生愛滋、肉便器；冇錢就燶閪做雞啦；有錢就撞彩靠老豆。你攞高登啲鳩噏嚟做證據？你試下現實出現喺個高登仔面前派軍糧吖，佢即刻同你腳趾都吮乾淨啊。

香港唔係一個仇女社會，但的確係一個父權社會，呢點冇得賴。但有時諗深一層，你作為一個女人覺得自己好似地底泥咁，但喺香港地有邊個唔係如草芥如地底泥般生存啫？唔覺得苦難係來源自性別，所以唔認同女權主義者，就係咁簡單，並唔係仇女乜乜物。放下啲女權主義者對男人嘅幻想，你會發覺男人只不過係啲好簡單，而且又唔係咁想負咁多責任但又冇得唔負得嚟亦都唔會有人關心體諒嘅生物。你溝佢電佢睇下佢幾仇你囉。

作者：亂臣賊子

閱讀後覺得好，請多多讚好及分享～：）