【山竹都吹唔走】耶撚的永續打飛機模式

文教 / 最新文章綜覽

 

山竹來襲,全城戒備,當然少不得一D耶撚大放厥詞。

611靈糧堂的宣告沒錯是讓人啞然,不過又咁睇啦,佢讓人啞然的根本不止這個,它由咩611到666到777,不嬲都是一間讓人啞然的教會(詳情可重溫:迷戀神秘數字的耶教神學觀:大佬,想點呀 )。所以坦白講,又唔可以一竹篙打一船人,至少要了解一下,其他教會係咪都係咁諗先。

但,讓我感到可怕的是,其實其他教會個心都是咁諗,不過佢無611咁講出口罷了。談到天災,近年耶撚經常出現一個情況,就是「有天災——我無事——我開心我感恩」。聽道時,往往聽到「今次風球無對香港教會做成毀壞,真係好感恩」,咁我想問,佢整榻棵樹、有人死傷,咁我地又係咪要感恩呀?上次天鴿來襲,有耶撚過大海照喪玩喪食,仲要感謝天父爸爸,就俾人屌到訓低(sosad而家次次打風必然囉番佢出黎鞭屍…)。我諗呢種缺乏同理的心態,大概是耶撚成日俾人屌的源由。

 

 

但,讓我感到更更可怕的是,即使全城人都指責呢啲無腦的言論,耶撚卻是越發覺得自己被逼迫、「無錯呀我走緊的果然是窄路」。以下是611事件被屌到推上報後,一個耶教花生聚集地的群組的Po。其實我真係唔知呢件事是做乜,即係上帝有聚會,就從亙古到永恆都一定唔可以打風?即係個風球唔阻住聚會就叫神蹟?

 

 

呢啲咁既打飛機文,我會稱其為一D「政客的宣傳陷阱」。即係例如「無錯!人人應該互相幫助…環保很重要…所以大家要支持我!」所謂的「前題」,即係「人人應該互相幫助」同「環保很重要」都是真,但就唔係因為咁而等於要支持某個人。如果前題與結論之間毫無關係和支持,呢類的論證其實很有問題。

同樣,神是「聽禱告」同「平靜風浪的神」,就唔等如「上帝有聚會,就從亙古到永恆都一定唔可以打風」。而且,仲有「個風球的離開」同「弟兄姊妹的禱告」的關係,都是不確定的,至少在教外人眼中,如此這般只是穿鑿附會而已。然而,諸而此類的信仰推演俯拾皆是,上帝的風暴「因為我夠信心的禱告」而停止,咁我真係想問,到底是你話事、定是上帝話事呀?

之前辦新書分享會,記得一位朋友問我「當遇到咁(無腦:我加既)既耶撚時,可以點做?」我好認真答:「首先就是要聽佢講,唔好拒絕佢,因為你拒絕佢,同佢講『喂呀唔好咁白癡啦』佢一定會好抗拒,然後在可行的地方,開始問D問題,例如「即係點解唔可以試下咁諗諗諗呢?」;另外,話說好多人都是果種「返教會就是我的生命」,一星期返教會6日。可以嘗試一下,讓對方先減少一下返教會的次數,例如一星期5次?4次?當佢的圈子接觸比較多教外人,情況也許會有改善…」這時候,我突然醒覺失笑,「依?!點解我好似教人「如何離開異端邪教」咁既?!!!!」

無錯,有一部分人,真是信耶信到Shot撚左。

 

 

作者:殷琦

殷琦
港大表達藝術治療碩士生、教院音樂教育碩士、港大主修中文中史。一舊蕃薯般的孤獨文青。做YouTuber、專欄作家(稿費...)、鋼琴老師、合唱團、作曲卻不懂用電腦編曲。總活在迷霧之中,怨氣太多,希望太少;與你和我一樣,在小小的香港同受壓抑、同唱悲歌、每天僅為生活掙扎求存。興趣在表達藝術治療、哲學、心理學、生活、音樂、藝術、政治、宗教等。小妹專頁:https://www.facebook.com/pages/YanKi/1002326119779241

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 185156
Date: 2018-09-16 05:55:20
Generated at: 2022-09-28 13:56:41
Permalink: https://www.vjmedia.com.hk/articles/2018/09/16/185156/【山竹都吹唔走】耶撚的永續打飛機模式