話說上集笑完隔離房嘅內地同學，繼續講下啲絕塵，遙不可及嘅成功人士（未來），唔係我，唔洗望。總之一睇，一聽你已經知佢他朝有日會成功。當我因為exchange 脫離屋企，又因為窮嘅緣故，每日仲諗緊落超市買邊款Pizza 翻屋企焗嘅時候，同樣去exchange 嘅呢條友（化名Jason）已經學識煮飯，仲煮埋俾佢阿姆斯特丹嘅同學食，offset 自己平時買餸嘅開支。
仲要有錢落袋呢下好野，如果他朝佢發咗達，筆者心悅誠服。諗翻起Jason year1上大學嘅時候，「佢話year 1 我乜活動都唔參加，淨係留喺屋企打機，打翻以前攞咗去讀書嘅時間。」心諗，正一廢青垃圾兼死毒撚。然後year1 sem B 都未完，佢已經話我打夠喇。
心諗「咪好囉，打夠打飽專心讀書。」你估佢下句講咩？「打到大師啲人太勁，好難上菁英，所以夠曬皮。」DLGH，呢條友打咗成個中學都係銀牌，仲要我carry 先勉強上到金牌，無見半年竟然打咗上大師。
唔到你唔服嘅係，佢又真係做到。原來上咗year1 之後，結束咗中學果種朝8晚5嘅奴隸生活，除咗幾堂lecture，佢被迫翻去聽一聽之外，基本上進入咗全職打機嘅狀態，唔止咁，仲學人睇video、做筆記、訓練地圖觀。果下聽到個口都合唔翻埋。最撚慘係，埋單計數佢GPA仲高過自己呢下過癮。
所以，當佢去到exchange嘅幾個星期，由唔撚識煮嘢去到煮得靚靚仔仔呃到like，自覺一啲都唔出奇。呢種人本身就內置咗學習神器，只要佢想做到，佢就有能耐花一個星期，花一個月，甚至更長時間，不斷學同試，鑽研直到自己滿意為止。所以你話世間上邊有咁多兔仔會偷懶，童話黎咋傻仔，當兔仔都咁勤力，我呢種烏龜……出面嗌緊「塊Pizza 焗濃喇屌你」。
但我信……佢曾幾何時都係一隻「烏龜」，只係唔知邊個moment 開始，佢做到一啲「兔仔」先做到嘅野，成個世界就誤以為，佢本來就係一隻「兔仔」。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年9月20日
