各人都有不一樣人生定向

暑假檔期已完結一段時間,但這個暑假最令編者喜歡的電影《逆流大叔》(英語:Men On The Dragon)依然勢不可擋,逆流而上,上映第八週仍未落畫,更衝破千五萬票房大關,為這成績編者也相當開心。早前編者曾提及自己在未看任何預告已決定看《逆流大叔》,原因有數個,一來編者很喜歡香港電影,二來是《逆流大叔》當中有兩個演員是編者非常喜歡和欣賞的。一位是潘燦良先生。而另一位是一個喜歡看香港電影的人不可能不認識的名字。吳鎮宇先生——————————————–吳鎮宇曾獲第37屆台灣電影金馬獎最佳男主角。三度獲得香港電影評論學會大獎最佳男主角。兩度獲得香港電影金紫荊獎最佳男配角。四度提名香港電影金像獎影帝,以及一次獲得最佳男配角。偏偏香港電影金像獎影帝之名總與他無緣,每每也是擦身而過。年少時候的編者對著在電視上看著吳鎮宇總有一種很奇怪的感覺,因為編者總不知他是忠或是奸。對吳鎮宇第一次有印象的角色是他在《卡拉屋企》飾演的泰臣,是一名愛狗而正直的好人。但另一邊在電影上接觸他卻是《絕代雙驕》的江玉郎和《白髮魔女傳》的姬無雙,當然還有《古惑仔之人在江湖》中的𡃁坤。三個也會令觀眾討厭非常而留下深刻印象的角色。———————————————曾經編者因為一套電影而討厭萬梓良至極。同時間有段時間吳鎮宇在電影出現編者總覺得他是歹角。直到「謝源」的出現,編者開始明白他又忠又奸的不是本性,而是演技。從那時候開始不少電視或電影掛上了「吳鎮宇」三字,編者便會留意。縱使有些電影他飾演的不是男主角,但有他出現,總令一套電影生色不少。在認舉一些例子:1996年陳木勝電影《衝鋒隊怒火街頭》,他飾演的楊智龍。1999年《特警新人類》的洛威拿;同年《黑道風雲之收數王》的揸煲查。以上三套電影中除了《收數王》外,另外兩套電影吳鎮宇的角色戲份並不多,但他很快就可以令觀眾知道他演的角色是什麼以及其重要性。———————————————正因對他的演技有所認同,編者也越來越好奇「吳鎮宇」究竟是一個什麼人?而他與黃子華及張達明聯合創作的《鬚根show》和《鬚根show 2》是他首次和第二次的舞台演出,兩次表演中,他們也各自有一段以「笑」作賣點的自白。小時候不懂這段solo表演背後的意思,只將表層的笑位作娛樂。但編者已不知不覺成長了,也不知不覺踏入一個大叔之齡,重溫這段solo卻有另一感受。———————————————2000年後吳鎮宇先生也有很多令人演出令人不能忘記,但實在有太太太多了,不能盡錄。———————————————在此希望《逆流大叔》的票房繼續攀升。#鬚根show#吳鎮宇#逆流大叔#逆流陳龍#香港電影#港產片

觀影字語悄悄說發佈於 2018年9月20日星期四

 

聽人地點樣人生定向,真係好聽,哩啲故仔每人都唔同,你睇佢現在好富貴,但之前嘅心路歷程你又唔會想像到。

就好似我咁,啲人總以為我條路好易行,又唔使高學歷,大公司、專業人士、穩定收入、好好嘅假期。聽到真係嬲嬲地,come on James,你估我真係咁想入行㗎?

聽到佢話中三嗰年阿媽話叫佢出嚟打工唔會再養佢,我個心痛一痛,令我馬上回想到我嘅從前,好多路真係無得揀。細個寫《我的志願》我寫過好多㗎,科學家、老師都係哩啲普通社會洗腦志願啦~但去到中一9月18號,我好記得嗰日情境,放學去中心玩我喜愛嘅乒乓波,有朋友經過話佢生日家人同佢慶祝所以俾錢佢買咗手上一堆零食,我好羨慕。但無耐我老豆就走嚟中心搵我,大事啦~佢劈頭就一句話:「阿媽死咗啦~」,我以為我聽錯大聲問:「咩呀?」,老豆再大聲:「你阿媽死咗呀!」,同我打波嗰位仲係小朋友嘅朋友仲感好笑咁問:「你阿媽死咗呀?」,不知所措嘅我拋下一句:「關你咩事!」就衝走咗,之後去咗邊做過啲咩,個腦好似有保護機制咁,完全記唔起,完全空白咗,嗰段時間我好似曾經消失過咁,細到兩三歲嘅記憶我都可以有,小學嘅片段隨時可以搵返,就係記唔到嗰段時間嘅記憶。但我好記得我個腦係嗰段時間出現一句說話「個家以後靠我啦。」當時我老豆都已經係退休年紀,所以有咁嘅想法。

喺中學嘅時候,我同老豆靠綜援過活。雖然政府乜都幫你俾,但唔係話攞就攞。買校服、交學費必須先問人借錢解決,然後留張收據先可以攞返啲錢再去還俾人,當時嘅社工態度真係好仆街,我老豆點計都係長者,而我點都係未成年嘅學生妹,好似我地呃鳩佢地咁,真係好受氣。當時嘅我一心覺得將來一定要脫貧,放心啦~我有手有腳,將來點都會養埋老豆唔撚會靠你個仆街政府嘅。去到中五就一心想玩盡佢,放棄升學嘅想法,真係激死啲好錫我嘅老師,一個讀到書嘅人咁樣放棄前途,就係唔想讀咁多書,想快快出嚟打工唔靠綜援。但一街都係中五生,條路好難脫貧,所以重讀中五,然後發現IVE係一個好好嘅踏腳石,填表時填晒啲可以快畢業搵到穩定收入嘅工嘅學科。

就係咁去咗入讀好偏門嘅科目,講過我係讀到書嘅,為咗有份好工,就用下心考試嗰段日子,科科考下午,我就朝朝早上返去學校溫書,以優異生姿態入大公司。(點都要寫段嘢表揚下自己)入行時個個識我嘅都O咀,根本唔啱我性格嘅,連我自己都覺得唔適合,但有乜辦法,因為我唔想再靠政府養!應該話:「我唔想再靠仆街政府養!」理想?咩嚟㗎?

 

作者:紫玥

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 185367
Date: 2018-09-23 05:23:46
Generated at: 2019-04-19 13:26:11
Permalink: https://www.vjmedia.com.hk/articles/2018/09/23/185367/各人都有不一樣人生定向