原罪——有個正常男仔鍾意已經萬幸?

 

 

雖然上次女朋友個friend 阿B喺交友app 到無斬獲,但係憑住佢喺依一年黎既努力,終於都比佢搵到一個男朋友。(來龍去脈請睇番第一篇)

「喂,BB你記唔記得我個friend 阿B?」女朋友問我。
「阿B?哦,好難唔記得佢嫁喎。」大佬,咁既極品你話咁易搵就搵到咩?!
「喂呀,你唔好咁衰啦。無呀,記唔記得上年佢咪玩啲交友app 唔成功既?佢近排又玩番呀。」
「哦,之後呢?又失敗左呀?」
「唔係呀,佢掂左呀。」
「吓???唔撚係呀嗎?」我簡直唔能夠相信阿B竟然有男朋友。
「佢係唔係喺個app同人傾左兩句計就當一齊左呀?」我依然係無辦法相信依個咁嚇人既現實。
「唔係呀,佢地出黎見過面添啦。見完面先一齊嫁。」

啦啦啦,停一停先。去到依到,我諗大家都會幻想下個男仔究竟會係乜樣。我地平時喺條街到見到啲情侶個樣既級數可能都唔會太大出入,我諗極端啲既例子最多都係你會見到一個靚女拖住個樣衰既男仔出街,好少掉轉會見到一個靚仔拖住一個樣衰既女仔出街。唔信?你有無見過一個六呎幾既爆肌型男拖住個樣衰既肥婆出街?我自問就無見過啦。所以憑以上既推論,我諗大部份人同我一樣都會幻想到個男仔應該都會係同阿B差唔多級數。

「No photo no talk 啦。」
「啦,你睇下個男仔個樣,ok嫁。」女朋友喺佢部iphone 開左個男仔張相比我睇。

咦,無理由嫁喎,佢個樣咁正常既?斯斯文文,戴左副黑色粗框眼鏡,成個書生咁。雖然談不上係靚仔,但係絕對係一個average 男仔。重要既係,個男仔同我幻想既好有出入。

「一齊左幾耐呀佢地?」我依然都係半信半疑。
「佢地一齊左幾個月啦!同埋呀,阿B同我講個男仔好猴擒,成日想借啲機會食左佢呀,哈哈!」

媽,真係好重口味,我究竟聽左啲乜野?究竟有乜野男仔會想搞阿B?真係餓成咁?或者我咁講你會覺得我好賤,但係阿B係個啲就算貼錢比我,我都唔會攪既女仔。如果佢除哂衫喺我臉前,先唔好講我會唔會扯旗,我諗我應該會陽痿先。但係換個角度諗,咁依加阿B搵到男朋友,個男仔又好似正正常常咁,咪大家happy 囉?但估唔到仲有一段故。

話說又過左一排,女朋友又同阿B個班friend 出左去食飯。番到屋企,又講起阿B。
「唉,我覺得阿B自從拍左拖之後個人變哂……」
「變哂?點變先?」
「你睇下張相先啦。」

嘩,屌,你真係插盲我對眼算數啦。相入面既阿B,化妝化到成隻雀咁:條眉化到蠟筆小新咁粗,啲粉又搽得唔均勻變左塊面白過啲手手腳腳,個唇紅到好似紅唇娃咁,再加埋個件包唔住佢既one piece摟屌裙,真係忍唔住屌左出聲。莫非佢屋企真係無鏡?

「嘩,阿B唔係之前行文青路線嫁咩?點解變左咁多?」
「我都唔知呀,佢以前都唔會咁既,依加又上埋個啲乜野化妝班,又去做laser脫毛,又去紋眉。」
「哦,可能女仔都係貪靚啦……你收番埋張相先啦……」
「唔單止咁呀,佢性格都變埋呀。好似話佢成日同男朋友鬧交呀,又話做乜食飯要AA制、男朋友唔記得喺佢地紀念日送花又發哂爛渣,又話乜野會飛左佢男朋友搵過一個靚仔啲男仔算數。」

所以話世界真係無奇不有,有個咁正常既男仔鐘意一個外表咁樣既女仔已經要多謝主,但依加竟然係個阿B掉轉話個男仔唔好,覺得自己deserve 一個靚仔啲既男朋友?!咁撚𢦀鳩?
係唔係以為自己係公主?你個樣無論係靚定唔靚,要人就到你好似公主咁其實已經唔啱,更何況自己個樣係乜野級數自己心中有數,竟然會天真到以為自己market 好大?好多人排隊搶住要你?夠薑你咪試下飛左個男仔囉,都最後無人揀你唔好喊呀。

故事暫時就黎到依到。依加女朋友不時都會聽到阿B對佢男朋友既不滿,但聽講阿B仲同個男仔喺埋一齊。而我亦到提點左女朋友,下次唔需要再比阿B啲生活照比我睇,有啲乜野update就口講啦,我對眼唔可以再受刺激。

 

作者:鑄墨

一個看透世事既閒人。

閱讀後覺得好,請多多讚好及分享~:)

其他熱門文章

  • 移民?三四十歲呢班人,點移民? by 林非
    你以為香港「情況很差」,但香港一直以來的問題是「倒退得快」,即是那個delta_change很大。但香港在英國人建設下的確有很好的社會基本制度。例如說你移民去日本、去台灣,其實在社會上都各有問題,很大程度上你移過去,只不過是以「不在當地成長…
  • 今晚鬧市堵路,肯載我返家嘅係一位藍絲的士司機。 by 白木乩
    「係呀~連埋大河道都好多人示威,我估巴士停曬,所以喺呢度有車就上了,多謝你肯車我。」寒暄幾句都要有禮貌,大佬我而家條命喺你手,即係咁講啦。…
  • 移民唔係想像中咁正 by 90後賣國賊
    香港主流行業係服務性行業,但外國未必係,所以移民後未必搵到對口工作。以美國為例,工程先係最有錢途嘅行業。就算有對口工作,仲有語言問題要面對(係呀,又係語言問題)。喺一間公司工作,要同同事溝通,層次已超越平時吹水。好簡單,叫你用英文向內行人講…
  • 【LEGO快訊】89年Batman車正式登場 by 阿九
    Batman Fans 期待而久嘅 76139 1989 Batmobile 流下流下流出左咁耐之後,終於有官 […]…
  • 黃店還是藍店? by 健吾
    最近有朋友跟我說,太子某一間火鍋店很藍,但自從某次見到警察在他們外面放催淚彈之後,就變黃了。然後在網路,又有人說究竟是黃是藍。有些員工,天天都看著大台的新聞,他們接收的資訊不多,再加上很多以訛傳訛的資訊,示威者有錢收,前線有小天使等等的消息…
  • 成場運動,其實只需要三個行業罷工就可以完。但佢哋唔做。 by 鳩文瘋
    贏左返黎都唔係你地可以享受既福份,仲要承受咁多罪名罵名。…
歡迎讚好我們的facebook page,免費資訊源源送上。

文章資訊

ID: 185497
Date: 2018-09-27 05:49:32
Generated at: 2019-11-11 21:14:49
Permalink: https://www.vjmedia.com.hk/articles/2018/09/27/185497/原罪-有個正常男仔鍾意已經萬幸?