喺開始寫呢篇文之前，如果你係第一次睇我寫嘅文章，先容我自我介紹一樣野：我自幼就熱愛睇動畫漫畫以及打機，所以我非常尊重二次元文化。
但係，尊重還尊重，愛還愛，我同時亦都明白，當你有一啲強大嘅興趣，你既想享樂，又要糊口嘅時候，就一定要認真工作先有能力支持啲周邊呀初回特典版呀去日本睇 Event 啲支出呀⋯⋯下略五百字。
換句話講，就算你對二次元嘅愛有幾強烈，我當你佛系玩家，唔課唔買淨係問人借、我又當你環保鬥士，動漫畫永遠只睇網上友善分享而唔買實體本咁好未？再坦白少少，你無慾無求，二次元老婆老公一大堆，所以唔打算他日成家，從而唔考慮儲錢咁啦好未？
以上，無問題的，真心，人各有志，你揀得咁生活，你接受你係呢種生活，which is fine，等於我啲大學同學出 Bonus 會買 Chanel，我賺多左會買超貴模型咁解。上面用二次元只係比喻，我想做課長，就要努力搵錢；總之好多野都係人嘅選擇黎。
但係，揀左你就唔好怨。
例如我買左《Bloodborne》Clock Tower Maria 我就唔可以怨點解我無 Chanel；你揀左平淡人生，就唔好埋怨點解無人賞識你。香港黎架呢度，有一啲懷才不遇，但有更多係孤芳自賞。
假如你學歷一般，你無得怪點解 Morgan Stanley 唔請你；假如你英文唔好，你亦無得怪啲 HR 壓你價。
你如果話，無所謂呀，我咩工都肯做，咁當然可以，我遇過唔少咁嘅客人，勝在樂天知命，知足常樂；但如果你對自己目前待遇唔滿意，你要做嘅，除左鬧政府洩憤之外，比較進取一啲嘅，可以諗下自己有無啲咩可以改善。
萬事起頭難，假如離開學校已久，重回學習，不習慣是當然的；若不進修，好，咁有無興趣做啲相對低學歷要求嘅工作？做餐飲銷售地盤都有出頭天，因為我有呢啲客。
如果淨係一味怨，一味逃避，對唔住，你睇得多李嘉誠嘅相都唔會變李嘉誠，你睇幾多動漫畫都唔會突然有世界衝擊令你突然擁有超能力。
你的雙手要抓住什麼，是由你選擇的；我只會提醒你，你幾用心靜坐都好，你的手心都不會因為潛能啟發而冒出火系魔法的。
你話想生仔我咪唔避孕囉，我家下有咗你就叫我落？
名校老師婚外情的故事
女人就黎三十歲仲係 A0 係咪就叫有問題？
中女不諱言「我有 SP，但我唔會同我老公離婚」
老師的成功要訣：識人、埋堆，攀附權貴；作育英才已經行唔通。
邊個講出「分手」兩個字，邊個就係萬劫不復嘅千古罪人
女性客戶開口埋口「我認為」，咁你有無理過對方點諗先？
我以為個客擔心病母健康，原來佢只係想快啲分身家
其實人地會覆你短訊可以係出於禮貌，唔代表人地鍾意你⋯
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年9月29日
