【外賣仔日記】張單$568，不如我俾$602 你，你找返$40 俾我吖？

話說早幾日去咗送嘢，今次我唔係送外賣，而係送貨物，咁張單就有嗰要求，就係到咗嗰客到之後要就要代嗰寄件人收錢嘅，之後我哋再入返俾公司處理。

張單我要代收嘅金額係 $568，本身因為係速遞貨件，收件地址未必有人，所以通常都係一早響出發前已經打晒電話確認晒先會去嗰客到。所以當我上到樓去到撳嗰客門鐘，佢一開門已經準備咗6張100蚊紙，咁我都準備咗啲散紙準備找比佢啦

客：「呢度$600」
我：「你等等我啊，搵緊散紙找俾你」
（當我仲搵緊嗰陣）

客：「不如我俾$602 你，你找返$40 俾我吖」

佢臨時加咗2蚊俾我，嗰一刻未load 到應該要找返幾多俾佢，但係嚴重feel 到唔應該找$40 俾佢，我決定穩陣啲，撳計數機！

我：「你等等先～！」
客：「你係咪要篤計數機？」（非常不耐煩咁講）
我：「係吖，你等等」
客：「啱架啦，我俾$600 你你俾返$40 我 ～！」(仲要係好有自信咁講)

當時我一篤計數機，我見到

係大大嗰數目字寫住34喔～！！！！！！！！！

阿小姐，你想點喔？

我：「阿小姐，34喎」（電話嗰mon 轉過去俾佢睇）

同一時間，佢見我轉緊嗰mon嗰陣即刻講話

客：「咁我俾$608 你啦」（好唔願意咁樣）

之後我就跟足程序，收完錢，找返$40 俾佢，簽好名，然後俾咗咗件貨嗰客就離開咗啦

阿小姐，我收少咗你呢我要自己負責返架，好明顯我會響收你錢嗰陣計清楚啦，就算我撳計數機咁麻煩都會做阿。

冇乜經驗嘅或者會信你嘅，畢竟你好有自信咁講話

「啱架啦，我俾$600 你你俾返$40 我 ～！」

專題：【外賣仔日記】

作者：外賣仔

閱讀後覺得好，請多多讚好及分享～：）