【會徽研究所】巴塞隆拿：時代的簡化與傳統的碰撞

朋友一直鼓勵我除咗香港足球以外多寫唔同事物，實情係題材可遇不可求，包括今日講嘅呢樣。

巴塞隆拿足球隊喺早前推出新會徽方案。傳統上，大量網民都會對任何新設計展示無限摒棄……都見怪不怪啦，「睇唔慣、念舊」係反新嘢嘅招牌理由嚟。新會徽非常保險，「細執」嘅程度保留上一版本嘅主幹。巴塞隆拿市十字徽號、加泰隆尼亞傳統橫紋、紅藍直間，三大文化因素全數保留。

同時，新會徽統一入面嘅各種紅色、黃色，以及取消足球除外嘅所有內黑框，用少幾隻色，目的係顯得簡潔。「FCB」三粒字母簡稱執走咗，或者同德國球會拜仁、其他世界各地嘅同名球隊相撞有關，減少誤會亦都係新設計嘅作用。

一個會徽除咗「靚」，仲要有實用性同時間性。巴塞新會徽方案貫徹咗新舊融合，最後係咪會同大家見面？等球會會員表決決定囉。

作者：Movewheel Choi

睇波勁過踢波好多，現時為 freelance designer。

閱讀後覺得好，請多多讚好及分享～：）