香港做group project 俾人freeride，黎到法國住幾個月又俾人freeride，人生就是不斷地遇到freerider。心裡除左吶喊：「大佬，你估我想㗎？」最近學咗旁身技法，值得寫翻篇文分享一下。
筆者住嘅八人民宿，多數招呼半年至一年的留學生。所以住客基本上都係年紀差唔多，來自世界各地的學生。除非有重大事故，否則唔洗碗、唔倒垃圾呢啲小問題，房東一般唔會介入管理，所以要學識自己出手。
其實平時班鬼佬，求撚其沖下水，抹下隻碟放埋一邊，我覺得算係好俾面，始終標準不同，不能要求更多，各盡己責固然啦。但當有住客開始唔洗碗，唔抹檯就係惡夢嘅開始，你幫佢處理左一次，黎緊就會有千千萬萬次。我同roomate講：「大佬，你仲有四個月窩，你幫得幾多次呀？」
就係幾日前，佢終於忍唔撚住，call 咗個八人meeting（我覺得呢下幾霸氣），Agenda就係傾洗碗同邊個負責倒垃圾。（仆佢個街，大學生仲搞埋啲小學雞嘢？係咪傻嫁？）果晚，每人都講咗幾句，有咩唔happy，一五一十講清楚，原來聽人地對香港人嘅角度都幾過癮，得閒可以寫兩句。傾到最後大家都同意，每人會輪流倒一個星期垃圾，碗唔可以留過夜先洗。
你可能覺得生活小事，呢啲小爭取，小成功都攞黎講？忍一忍都過咗啦，洗唔洗call meeting 咁撚誇？但留學好多時真係學點樣解決人與人之間嘅矛盾，當晚班鬼佬都不停曬霖話唔好意思，下次會點點點。真心，點樣令對方realize 個問題係一種學問，過咗火好易冇朋友做，唔夠火又俾唔足壓力。唔係咁易㗎，葉師父。
最後仲成功爭取，夾舊錢出黎買日常用品。雖然聽落好白痴，但總算係離開父母，同其他人生活嘅一種小成長。
我都知香港班Freerider 幾仆街同幾無恥，上文嘅對付方法實在太溫和，遇上project freerider 要記得狠狠地report！篇幅有限，得閒再寫。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年10月3日
