姣腦細但對同事黑面嘅Bibi終於畀人炒咗，於是最近又嚟咗另一個90後Vivi，佢個人好cheerful，成日笑，問題係佢會無啦啦對住你「嘻嘻」咁笑，有時真係唔知畀咩反應佢好。雖然佢已經做咗幾年嘢，但係唔知點解所有新人唔應該犯嘅錯都犯晒，例如第一日就問同事咩職銜，做咗幾耐，住邊度，查家宅咁款，好多同事都唔應佢，作為一個新入職嘅人，無人理真係好慘，所以我唯有理下佢，反正我都就走，同佢吹下水都無妨嘅。