由細到大，我都係帶飯。
唔止一個人帶，上至老豆下至細妹，都帶飯。有一段時間特別瘋狂，母親大人不辭勞苦日日送飯去學校，連埋交通，日日三個鐘。
而我母親大人，早餐，午飯，晚飯都係自己煮，一日三餐，三餐唔同餸，一星期七日，除左禮拜六、日淨係煮晚餐，基本上我屋企日日開伙。
後來帶飯壺，係唔想母親大人咁辛苦，食下隔夜餸又有乜所謂，如是者，帶飯習慣，一直到大學。
最近學生飯盒既問題同母親大人傾計咁傾，母親大人淡淡一句：「係辛苦咖，不過為左自己仔女辛苦少少，都係想佢健康啫。」
細個唔明白，點解同學仔會羨慕我有飯帶，都係屋企嘢啫。後來明白，屋企嘢都唔係必然。
問心講，母親大人有時都會做下地獄廚神，無他，失敗乃成功之母。
我好慶幸，有個真係好偉大嘅阿媽。
眼見有啲人地阿媽嘅網友，留言話覺得好似屎水嘅飯盒會好有營養，我會覺得做你個仔女喊三聲。
有唔少話番工好忙，冇時間準備畀仔女。雖說現代全職媽媽兼顧工作同家庭實在困難，不過仍然有全職媽媽凌晨四時都起身就係為左煮個飯盒畀小朋友帶，據我認識唔係少數，係有一班呢類型媽媽。
你問咁樣值唔值？呢個就係閣下嘅判斷，但係就請大言不慚話「屎水飯盒會好有營養」，「小朋友唔食就屋企煮都唔食」嘅「媽媽」，停一停，諗一諗，呢個世界，有媽媽就係做緊你地口中「營養唔均衡」、「小朋友可能唔食」嘅飯盒。我明你會有幾百個理由反對我，而呢個世界永遠有例外，但撫心自問，一切犧牲，都係為小朋友啫。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年10月4日
