【真人真事】堪稱人辦嘅世界級女人

 

(圖文不符)

 

Sarah已經五十有三,個樣好奄尖,份人大情大性,成日都老馮人地會幫佢。佢喺中學畢業後試過做過幾份office工,又試過同人合資開鋪頭仔但最後都不愉快收場,之後到而家都係無業,主要靠炒股嘅錢過活。如果係一個人生活嘅話,即使點潦倒都係佢自己事。

然而佢唔係。佢一直同父母同住,十幾年前拍拖嗰陣佢已經發現男朋友成日神經好緊張神神化化咁又成日講啲好奇怪嘅嘢。Sarah嘅屋企人同朋友都唔係好贊成呢段婚姻,但佢覺得自己去到適婚年齡,於是同左個男人結婚。結左先發現原來對方有精神病,不過男方同男方嘅家人都隱暪得好好所以Sarah唔知道。

結左婚年幾兩年,佢地有左第一胎。呢個時候Sarah同佢老公成日都鬧交,Sarah成日打電話同人呻要生要死要離婚咁。不過最後都生左個女落黎。Sarah同老公住緊公屋,咁佢老公做文員,Sarah又無業,個女緊係Sarah湊架啦。點知佢掉俾佢呀媽湊,而佢呀媽又好錫佢……咁就開壞左個頭。開奶、換尿片、氹個女訓教……全部Sarah都唔洗點做……真係世界級。佢因為成日同老公嘈交嘅關係,佢搬返去父母到住,一星期淨係有一日半日會同仔女見老公。結左婚生埋仔都搬返去父母到住已經係對父母嘅一大負累,Sarah仲要對父母態度好差,經常呼呼喝喝,仲要有外人喺到都一樣會咁。

喺我仲屌緊佢咁都要生嘅時候,佢生多左個仔。原因呢?人有佢又要有囉。咁就精采喇,覺得餵飯麻煩,就成日俾仔女食零食,去到食飯時就是但餵幾啖就自己死望住電視,仔女又因為成日食好多無謂野又冇胃口,變左就唔洗餵飯;叫個女做功課但由佢拎住玩ipad,之後鬧個女做唔完功課;個仔學習能力幾差下所以幼稚園都要留班,Sarah成日同佢講bb話搞到個仔咬字唔清;當個仔係bb,九歲都帶佢入女廁,仲幫個仔抆屎抆尿沖涼……佢啲衰野實在太多我真係寫唔完。

Sarah個女係聰明女,學業好好之外仲好識人情世故,好清楚父母之間發生緊咩事,有時唔開心都要扮到冇事咁,十分堅強。細仔就好似有過度活躍咁成日通街跑,成日滴住口水問典解,成日扮得意氹人地,好黑我憎。我原本對大女都有啲期望,但係佢老母嘅教導之下……頭髮係小丸子頭但瀏海就去到髮線,因為短啲頭髪就冇咁易lup,所以四五日先洗一次頭;學埋Sarah咁,成日唔坐直,慣性棟高腳坐,食飯時兩隻手手踭亞起晒成日批人踭;好懶,唔做功課/遲到唔想返學就會講大話,啲大話仲要一個比一個大。而Sarah就成日喺個女面前話人肥婆/豬扒/大陸喱/弱智等等呢類充滿歧視嘅字眼;成日同個女講佢住公屋個老竇又有病,搞到個女自卑到有少少自大。

Sarah其實成日話要離婚要死又剩,不過都係得個講字,因為離婚嘅話無業嘅佢一定拎唔到仔女撫養權,佢又要面唔想俾人知佢家庭破碎;死嘅話佢又唔會夠膽。今次佢話要離婚要同個仔搬出去。我都知佢得把口,又會打俾人話自己好慘,當正自己係悲劇女主角咁,但我只係想講,如果係嘅就好,至少俾條生路個女同佢父母啦。

 

作者:柚希

柚希
從劣食國度回流返港嘅天然呆痴女,興趣係昅仔。

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 「媽劇停」之苦 by 小盛女
    最緊忙緊咩?忙緊請人,你無睇錯,我終於可以請人喇!唔使再一個人頂晒所有嘢,好感動!起初我滿心歡喜,以為會有好多CV send過嚟,點知原來10份都無,仲要有幾份係印度人,我唔係歧視佢地,只係唔識中文真係搞唔掂,好難勝任「媽劇停」嘅工作。…
  • 【邊度囡囡最好?】日本妹世界第一 by Ban Na Wong
    日本妹擁有純潔既氣質,動人既笑容,楚楚可憐既眼神,返到屋企會同你講「哦街li」,較埋熱水俾你沖涼,煮好飯等你食等等,嗚呀真係頂唔順,好想..........以上呢D,日本妹稱之為女子力…
  • 香港警察的政治智慧 by 健吾
    當時特首梁振英叫盧偉聰向習近平交代香港犯罪率情況,盧偉聰即說道:「現在我們的犯罪率是1978年以來最低的一年。」習近平指出香港社會情況變得複雜,人口亦愈來愈多,但犯罪率反而有所下降。盧偉聰答道:「要感謝我們內地的公安部對我們的支持,沒有他們…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 【轉工適用】Reference Check 又黎料啦 by HR 扮工週記
    Reference check 一般會喺個 Candidate 拎咗 Offer 之後做,公司會跟據 Candidate 俾嘅資料,然後向以前嘅僱主查詢所提供資料係咪屬實。不過唔係所有公司都會做,一般某啲特定行業或者有少少規模嘅先會去做。其…
歡迎讚好我們的facebook page,免費資訊源源送上。

文章資訊

ID: 185751
Date: 2018-10-04 23:40:25
Generated at: 2022-07-02 03:59:34
Permalink: https://www.vjmedia.com.hk/articles/2018/10/04/185751/【真人真事】堪稱人辦嘅世界級女人