到咗法國留學之後，我roomate講多咗好多「仆你個街」，大概係因為俾香港寵慣左，寵壞咗，好多野都take it for granted。唔好講佢，我都講多咗幾句「屌」。早幾日佢先話：「仆..街，人學法文，我學法文，DLGH，咁撚難嘅，都唔知當年係點學識英文嘅」。
老實講，望住人地講到，寫到，但自己又做唔到果種挫敗感真係好撚沮喪，有時真係會沮喪到懷疑人生。
當佢咁樣講兩講，諗翻起當年學英文，又真係幾趣致，小學至初中大部分嘅英文考試我都係徘徊合格與不合格邊緣，猛車邊先上到中四。中四個班主任話：「我當年學英文，就係每日搵篇英文黎讀，然後喺篇文章記低10個生字，寫落塊白板度，得閒就唸，不斷地記，某個字重複都唔緊要，重複多幾次就會記得。」
然後，我又真係戇鳩鳩走去買塊白板跟住做，心諗：「如果唔得就拆佢招牌」。如是者，真係跟住做左一年。之後啲英文就好似起死回生，冇再試過唔合格，負負碌碌又入左大學。
諗翻今日，唔係你黎到法國，你就自然識得講法文，幾多仔女去完英國咪又係唔識講英文。大佬，你估得閒上力威坐陣就變大隻咩？胡師傅都話啦：「俾啲掙扎。」我同條粉皮，平時一係打機，一係出左去玩，同啲宿友講黎講去都係英文，學識法文就真係奇啦。唉…唔講喇，練下啲「殺鹿」「笨豬」先。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年10月8日
