背妻食女衰過食煙

最近好多人出聲話加熱煙有害,香港唔應該比佢通過。

食煙危害健康係老生常談,我都唔會同人講食完加熱煙會健康咗,精神好咗,大隻咗。只不過如果比起傳統香煙,加熱煙衰嘅程度絕對比唔上依位「元祖」——我唔係話吹捧加熱煙,不過喺淡煙味同食完唔臭嘅程況之下,比加熱煙推出市面減低傳統煙囓市場,對食煙同唔食煙嘅人都係好事。

有幾個報導好鍾意引用一位叫蔡生嘅例子,依位疑似背住太太魚蛋女神譚小環偷食嘅蔡生夾埋幾個醫生開記招,話說蔡生食左40年傳統煙,轉左食幾個月電子煙,之後就確診肺癌,講到電子煙搞到佢肺癌一樣。 睇返佢嘅電子煙煙齡只係幾個月,但食傳統煙就由細細個開始食足四十年,而且電子煙同加熱煙根本就係兩樣嘢,噉樣都可以將個罪名拉到去加熱煙身上,語言藝術一百分。 再講癌症致因幾百萬個,唔食煙都會生癌,話唔定係蔡生夜夜笙歌捱出病嚟,你知啦,媾女好傷神。

好多人食咗傳統煙一段好長嘅日子,之後近幾年加熱煙嘅出現先令佢地開始轉食。之後有咩事就有人將佢講成係加熱煙嘅禍害,到底係佢地覺得幾十年傳統煙煙齡冇到吖,定係當咗加熱煙應該可以做清肺殺癌嘅功效?我望唔透。如果有人覺得加熱煙冇煙味而喺食完加熱煙再補支傳統煙,噉係加熱煙衰咩?衰嘅係覺得加熱煙冇料到又係都要食嘅人。我識好多人食加熱煙後唔再食傳統煙,係因為加熱煙冇二手煙味,而且正正係鍾意佢味道冇傳統煙咁濃——食咗加熱煙一排,佢地自己都頂唔順傳統煙,甚至有人話唔知點解自己以前會接受到傳統煙。

加熱煙唔係健康食品補健藥物,我唔會叫冇食開煙嘅人去食,但食傳統煙嘅人轉食佢有咩唔好?唔好食咗廿年紅萬之後食一支加熱煙然後照到有肺癌就話係加熱煙嘅錯。蔡生戒到煙係好事,不過如果可以首先戒有老婆都周圍咀女,聲色犬馬嘅夜生活,或者佢Keep住食加熱煙都仲係健健康康呢。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
歡迎讚好我們的facebook page,免費資訊源源送上。

文章資訊

ID: 185911
Date: 2018-10-08 21:08:37
Generated at: 2021-06-14 11:10:53
Permalink: https://www.vjmedia.com.hk/articles/2018/10/08/185911/背妻食女衰過食煙