不是吧，那有人會咁蠢執行贏粒糖輸間廠的投資策略？有，絕對有，這種策略叫沽期權Short Put賺期權金，你上網search下有幾多「投資專家」、「乜sir物sir」教緊就知我所言非虛。
人性追求穩定，但資金全球自由流動下的投資環境，從來都充滿極端波幅等不穩定因素。投資心理學有一個經典例子，就是如果有得揀，人會揀成年無錢賺，然後最後一個月賺一百萬，還是個個月賺十萬賺足一年？十個有九個人會揀前者，但投資市場好多時的走勢卻是後者，久不久就會出現十年一遇百年一遇的大升市大跌市。
大約十多年前，香港開始有人教授沽期權賺期權金這種策略。是的，贏粒糖輸間廠都可以是一種策略去執行，就等於某些極端宗教組織會同信眾講，自殺式炸彈襲擊死後，天堂會有廿幾個處女服待，然後真係有人相信一樣。老實講，為宗教犧牲死左是否真的有廿幾個處女服待，這不是一個科學問題，因為驗証不了，也否定不了，因為已死之人不會報夢同我地講：好正呀，我日日有廿幾個處女服待我。但沽期權會輸間廠，這絕對是一個科學問題，而且驗証得到，也有survivor作証。2008年前後，就有一大班人因為買了所謂I Kill You Later的Accumulator（性質同沽期權一樣）賺息贏粒糖而輸身家。
沽期權一年回報比盡有幾多？10%，15%？沽期權有leverage，遇著大跌市接貨的話，例如恆基，一手期權等於1,000股，價外沽廿手，可能幾千收入，當然要睇你有幾價外同到期日幾時，但廿手恆基期權等於兩萬股，現價$37左右計，即係七十多萬。如果你$40樓上沽期權，股價蝕緊20%，賬面就蝕緊十幾萬。一個月賺少少，然後一跌市賬面蝕十幾萬，這絕對是贏粒糖輸間廠的絕佳策略。
當然，期權阿sir會講，期權到期的話，可以roll over去遠期再沽食時間值，最終等股價回升就得。OK，你贏，因為輸錢的不會是阿sir，睇住個倉深紅長期失眠也不會是阿sir，要對住老婆日日黑面問你點解會咁也不會是阿sir。最終原來你沽個隻，長期低迷永不返身，也不會是阿sir問題，因為阿sir第一堂已經同你講，投資有風險，資產價格可升可跌！
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年10月12日
