守護平凡幸福，建設民主中國

西九選九西似乎已是風土民情，為了選舉，一隻兩隻九西政棍盡出，所謂自決派劉小麗老師一個轉身射個工黨波，結果都係毫不意外地被港共莫需有罪名成功剝奪政治權利終身，枉阿小麗老師又轉會又文青上身一堆大龍鳳，最後都係閘都冇得入。

其實阿老師唔係預咗㗎喇咩？呢次「補選」係嚟自佢首次被莫需有褫奪立法會議席，一年半載前港共才夾硬來屈了佢一次機，點解阿老師會判斷幾個月後已經擅長做核突政治批鬥嘅港共政權會突然良心發現呢？一次污兩次穢，港共用選舉主任爛頭卒玩鳩梁天琦、陳國強、陳浩天等人時，你班新泛民 aka 自決派袖手旁觀，共匪開了先例自然會照辦煮碗逐隻新舊泛民擊破，留返幾個已經自閹得乾乾淨淨嘅閹人泛民做「議會民主花瓶」去呃下英美先進國家「一國兩制運作良好」就算㗎啦。

Who Fxxking cares you Siu Lai Lo Sze’s basic human right? 當年妳和妳的盟友都漠不關心他人生死，而家唇亡齒寒都好正常。

在下唔係認同港共隨時剝奪任何人政治權利終身呢種罪惡，只不過所謂泛民主派也實在爛泥扶唔上壁——劉小麗好歹都叫聲稱要民主自決（其實呢種刻意迴避國族問題嘅「民主」真係政治怪胎），丫，阿老師冇得參選，代替佢出場嘅竟然係仍然堅持要建設民主中國嘅李卓人，成件事九唔搭八到暈。

原來仍然支持阿老師嘅人冇得民主自決，就要支持建立民主中國，喂阿哥你班政工作者 aka 九萬六獵人可否夾好台詞同埋對白先出場？故事發展奇過奇片，你叫今時今日竟然仲相信緊小麗老師嘅死忠擁躉情何以堪？

冇爛橙揀嘅代替品係要食屎，守護平凡的幸福原來又會等於建設民主中國，西九選九西真箇優良傳統矣，更何況中國民主老人李卓人一直嗌緊嘅係「結束一黨專政」喎，呢個「罪名」唔係應該仲大鑊過老師好多咩？如果自閹到乾乾淨淨嘅「自閹派」劉老師都要收一收皮，阿人哥講咗要推翻共產黨三十年了，大膽逆賊罪該萬死下刪五千字，阿人，你準備被被港獨罷啦。

新舊泛民呢堆政棍早已是窮得只剩下選舉的賞金獵人，為了選舉，他們甩頭甩骨，「民主」招牌可棄，人權原則可捨，我當然明白九萬六月薪加上響亮名堂夠哂架勢，但既然一隻兩隻揹住「民主」招牌的傢伙都只是逐利逐到底的生物，那我建議各位不妨真性情一點，坦坦蕩蕩「你的民主只是『港人係民，你至係主』」，或許我會施捨一滴同情搵食之分。

作者：爽健

不求聞達於諸侯，只願笑傲賞江湖。

閱讀後覺得好，請多多讚好及分享～：）