【打臉痛嗎？】其實呢，今日遊行班飯民呀，你哋當日好撐嘅曾俊華，都話要發展東大嶼. . . . . .

（公民黨FB 圖）

香港政壇真係好可愛架，班反對派呢，上年前赴後繼唯恐慢左咁撐曾俊華，講到佢乜嘢lesser evil，今日反對派就對林鄭大反特反，本來無咩嘢嘅，戰場上各為其主，無咩是非對錯好講呀。

只不過咁，正所謂崩口人忌崩口碗，做人最怕一隻手指指人，四隻手指指自己，當你不斷咁話東大嶼發展乜乜柒柒，又整死海豚又嘥錢又水浸又剩，喂呀，你哋當日撐曾俊華，都有講呢樣嘢架。

（BTW 曾俊華競選網站 https://www.johntsang2017.hk/ 已經射左去一個網購網站，啲政綱係得852 keep 得最齊）

即係點呀？如果曾俊華搞填海搞人工島就正義，而家林鄭月娥搞填海搞人工島就魔鬼呀？

講真，明架啵大家呢啲19嘢，你收新界農地就同地產商利益輸送官商勾結，搞郊野公園又辣著環保撚，咁咪填海囉，最務實啦，正路都係咁做丫？又被你哋話倒錢落海呀？

咁收番每日150單程證好唔好呀？

是但啦，我返去打機啦～

作者：白木乩

聽聞係總編分身，專用來出D 與總編身份不符既膠文

閱讀後覺得好，請多多讚好及分享～：）