一個公眾人物，去左邊度參觀，做左d咩事，影得張相而且擺得上網都有一定既意思，所以構圖同埋帶出黎既訊息就變得好重要啦，咁當然，唔多唔少都一定係有相執過靚唔靚又推出黎既，而帶出黎既訊息可以有好多類型既，可以係直接宣傳啦，又或者係做啲 agenda setting都得既，今日我地就攞下特首黎做下例子。
相信大家都好記得前特首梁特與一班學生的合照，小學生一張執葉既圖片迅速廣傳。係當時梁特網誌特登挑選個張黎擺上去，諗住塑造佢好親民又好可以同小學生打成一片咁，但成張相話到明係班小學生各有各玩，仲有個冇啦啦執葉一葉知秋咁，成班人衝出黎抽水，唔知係前特首人緣差到得幾丁友陪佢玩冇相拎出黎，定係個下屬玩q佢啦，轉移視線唔成之餘仲俾人係咁抽水，馮煒光當時應該要切腹謝罪啦。點解呢，呢個就係突登揀出黎post左仲要柒到慘不忍睹呢啲都可算係失敗既典範黎。
林鄭去參觀學校，影左堆相，睇啲小學生玩啲活動呀，就話「求學不是求分數」呢啲中規中矩啦，而今次呢林鄭就有啲唔同啦，呢張相係有影，但係係冇出過公海既！有「圍魏救趙」既感覺。
（另外兩位missy 唔好意思喇）
就係今日，冇啦啦有人係網上到應該係一張影左特首但冇擺出公海既相，因為幾個miss合照前面既同學仔頭俾人頂到呀，佢擰左轉頭睇呀，所以呢張相就冇擺到出黎公海（我check過特首網誌同學校新聞稿都冇呢張相），先唔講成張相個構圖就係中間，特首企開左一邊成件事個存在感慘過佈景版，輿論導向就由填海、美領館變左做靚靚女老師，林鄭又嬴一仗。
全城中伏初步滅聲計劃？洗鬼搞咁多咩，一個老師已經搞掂啦～唔係怪咩父權主義呀，呢啲係審美觀差異咋，日日俾你睇葉劉、私煙、林鄭、美芬呢啲喎，咁叫公平咩？點解講政治會變睇囡囡？遊行大台小組討論就可以改到政治既話一早就改左啦，乜改唔到睇靚囝靚囡好過啦。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年10月15日
