情緒病嘅感受唔係大晒

文教 / 最新文章綜覽

 

黃子華係《無炭用》講咗個自殺論令我好深刻,得閒就攞出嚟警世咁。當中佢話自殺嘅人覺得自己嘅人生食緊屎所以唔想要個生命,其實情緒病嘅人就係食緊屎嘅病。但今次唔講情緒病嘅痛苦,係講一啲自私或無品嘅情緒病患者。

現今社會資訊科技發達咗,點都多咗好多人認知情緒病係咩一回事,就係咁嗰啲無品嘅情緒病患者就利用哩個優勢,覺得自己大晒啦~有人好心,知道情緒病嘅痛苦,所以主動關心,有患者會認為佢嘅關心係理所以當然咁。即係佢食緊屎,有人好心嚟話陪佢,感受你食屎嘅痛苦。然後條食屎友覺得關心佢嘅人係自己人,依賴住佢。關心人話帶佢去見下出面世界,陪住佢出去,但食屎友話自己出唔到去,所以唔去嘗試,並且拉住關心人要佢繼續感受自己食屎嘅痛苦。其實關心人都食過屎,可能都食緊只係份量唔多或者更多,點知仲要被迫感受其他人食屎感受,個人感受被無視。

好簡單,有好多無品嘅食屎友嘅心態係「因為我食緊屎,所以個人有屎臭。我都唔想,但你要順應我食屎嘅感受。唔想知出面個世界係有美食,因為我出唔到去。」,到底係佢地出唔到去?定係佢地享受因為食屎所以有人遷就及幫忙?有人願意幫你,咁自己係咪應該借哩道力去走出食屎世界?「因為我有情緒病,所以會俾人沉重感覺。」點解之後唔可以加多句「因為有人幫,因為唔想停留原地,所以會珍惜嚟扶我走嘅人,努力俾對方拉我走。」將自己所做過唔好嘅嘢同情緒病掛勾就合理化咗,自己感受大晒,人地感受唔再係感受,有情緒病就可以自私?

唔好搞到病就大晒,將來啲人好似現在仇老咁仇情緒病患者,到時就情緒病會更無地自容囉~

 

作者:紫玥

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 186129
Date: 2018-10-16 06:38:04
Generated at: 2019-06-24 20:54:49
Permalink: https://www.vjmedia.com.hk/articles/2018/10/16/186129/情緒病嘅感受唔係大晒