成日講咩商界合作，但就算老細係咁諗，你啲細嘅係唔係又咁諗？好多行業例如 PR 呀 Marketing 呀，少不免要同其他公司合作先可以促成一個 Event，無論你係 R Sponsor 又好，Ask for Support 都好。
Win-win situation 永遠係商界共同變好嘅最好成果，有時你比啲野人，表面上好似自己蝕底左咁，但係他朝會唔會有一日要返對方幫手，我永遠唔會講呢件事有絕對 Yes or No。
不過，總有啲同事，唔知係揸住雞毛當令箭，定還是真心覺得「我要捍衛我個髮型」一樣要捍衛公司利益，對其他公司黎傾合作贊助嘅人，架子高到不得了。
Sophie 做某品牌 Marketing，佢公司係某大集團下面嘅支線品牌，不過算係新 Line，所以知名度一般。上年 Sophie 仲係做緊呢份工嘅時候，就住一個活動 Proposal 黎問我拎啲意見，當中包括咗一啲佢想合作嘅其他公司。
當時，三間公司啦，另外兩間都無乜野，我叫佢直接去馬（後尾係得左的）；惟獨是 Sophie 原本認為最容易 Reach 到嗰一間，出咗隻唔係咁好嘅牌。
「呢間公司其實會對呢個 Project 有興趣，但係會因為一啲人事安排之類嘅問題令到件事實行唔到。」我當時咁同 Sophie 講，「所以可以直接算數都得。」
Sophie 聽完我講有啲愕然，但都硬住頭皮同呢間公司傾。唔傾還好，一傾，Sophie 下次再黎嘅時候，鬧到呢間公司嘅接頭人反轉。
「Send 份 Proposal 比佢根本無睇過，問黎問去都係問返啲一開始已經講過嘅資料，又好串咁話，我地啲產品同佢地公司品牌形象唔係好夾，問我地仲有啲咩公司贊助呀？」Sophie 嬲到條眉皺埋一舊，「佢之後仲話，點解某間公司會肯贊助你地呀？佢贊助幾多錢？喂，呢啲問題係一個專業 PR 應該用嘅態度黎嘅咩？無興趣咪直接拒絕囉！」
我笑到收唔到聲，「咪同你講咗搵呢間公司會嬲，你又唔聽我講。」
Sophie 都笑，「係啦係啦，我衰。」
Sophie 唔衰，佢只係盡佢責任啫。佢嘅 Project 做得幾好，佢好快 Apply 咗公司另一個部門嘅職位，「都算升職架，呢條 Line 啲 Product 大啲！」
Sophie 升職之後，多左個妹幫手。升職後兩個月，佢個妹 Pass 左個 Email 過黎，今次到人地同佢地公司 R Sponsor。
我講到咁，你無估錯，個 Email 正正係上次擺款拒絕 Sophie 舊 Project 間公司 Send 過黎。Email 除左比 Sophie 部門，仲 CC 咗比當時勁串 Sophie 嗰位 PR 同事。
「我小氣架。」Sophie 笑住講，「我用我自己 Email 直接覆返嗰位 PR 同事。我話根據早前同你嘅溝通，我唔肯定地公司嘅產品係咪符合你地公司形象。」
「咁串？」我碌大對眼，「你咁大膽嘅？」
「驚咩呀，我想進一步了解之嘛！」Sophie 鬼馬地眨了眨眼，「個 Email 我 CC 埋比佢阿姐架。」
我心諗：女人真係不能得罪。
「結果呢？」
「結果佢阿姐打黎問，話就話了解我地嘅合作意願，實際上係想了解下發生咩事。」
因為 Sophie 而家嘅職位，都算係個阿姐了，所以對方想知道發生乜嘢事，都好合理。
講真，做得呢一行又點會想無啦啦樹敵，Sophie 好坦白咁同佢講，「過去曾經想同貴公司傾合作，但係你下屬當時話，我哋公司嘅產品同貴公司形象不符，我擔心影響你哋嘅活動，所以先會咁樣問一聲。」
咁當然啦，最後呢一個合作計劃係成功嘅，不過由嗰日開始，同 Sophie 對口嘅，就唔再係當時位 PR ，而係直接兩個阿姐自己傾了。
今日你叫人地幫手，他日可能會調返轉。或者你會覺得 Sophie 做得好絕，但係當時位 PR 咁擺款，又好似係自己攞黎嘅。
你又點睇呢個個案呢？
名校老師婚外情的故事
女人就黎三十歲仲係 A0 係咪就叫有問題？
中女不諱言「我有 SP，但我唔會同我老公離婚」
老師的成功要訣：識人、埋堆，攀附權貴；作育英才已經行唔通。
女性客戶開口埋口「我認為」，咁你有無理過對方點諗先？
我以為個客擔心病母健康，原來佢只係想快啲分身家
其實人地會覆你短訊可以係出於禮貌，唔代表人地鍾意你⋯
喂阿姐，你唔好以為自己拎住個 Balenciaga 就以為自己特別高尚啦好嗎？
唔係乜野工作都可以上 JobsDB Apply 嘅，例如 DJ 或者 KOL…
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年10月18日
