你自己由細窮到大,梗係唔明白有錢人點解唔識你啲所謂「生活智慧」

 

 

有時見到啲有錢仔因為唔識窮人常識而被人笑,就會覺得成件事好唔妥。

因為呢個現象同啲老一輩成日話自己幾歲就識照顧自己同細佬妹,煮埋公仔麵,老豆老母獨留自己在家中都冇問題一樣,都係非常之離地嘅表現嚟。

須知道一個人識啲咩,除咗取決於佢嘅性情興趣,仲為佢嘅生存壓力所決定。

依家啲細路要生存唔使幾歲就識自理。反而要生存就要同同輩競爭,要幾歲就識幾種樂器幾種語言,有幾多老一輩夠膽講自己幾歲就做到咁呢?

同樣地,有錢仔唔使識用八達通都生存到,所以佢哋唔使識。識係bonus嚟。同樣地窮人都唔會識一啲有錢仔先識嘅「常識」同skill,因為窮人唔使識都可以喺自己嘅階層到生存同立足。

大家以後喺笑人哋冇常識之前,不如諗下自己嘅常識人哋係唔係有必要識呢?大家又不妨諗下自己如果日日被啲數學系嘅人笑連mathematical induction同proof by contradiction 呢啲咁常識嘅嘢都唔識,會係咩感受呢?

其實啲有錢仔係知道口頭上窮人係惡曬,自己笑窮人會有關公災難,唔化算,先唔同我哋呢啲窮人斤斤計較咋。

大家真係要多啲去理解一下唔同嘅階層。

 

作者:山城小豬伯

總編話佢:「真人係幾靚仔嘅」

閱讀後覺得好,請多多讚好及分享~:)

其他熱門文章

  • 移民?三四十歲呢班人,點移民? by 林非
    你以為香港「情況很差」,但香港一直以來的問題是「倒退得快」,即是那個delta_change很大。但香港在英國人建設下的確有很好的社會基本制度。例如說你移民去日本、去台灣,其實在社會上都各有問題,很大程度上你移過去,只不過是以「不在當地成長…
  • 同藍絲做廿年朋友,結果係點? by 六月的物管
    話說某日,細妹咁唔好彩撞啱「克警」又亂鳩咁放催淚彈,搞到佢眼、鼻、喉都勁唔舒服,猛咁咳之餘,氣管同皮膚都又敏感又痕。之後,細妹喺FB出post 訴苦…
  • 【輔仁罕有支持泛民行動】技術上,最容易做又可以癱瘓城市運作嘅罷工行業係乜呢? by 白木乩
    回歸返現實,有乜嘢罷工,既影響到好多人嘅生活,同時其實個影響,係好麻煩,但又唔係真係咁致命?我識嘢比較少,呢一刻我想放低成見,支持泛民嘅…
  • 黃店還是藍店? by 健吾
    最近有朋友跟我說,太子某一間火鍋店很藍,但自從某次見到警察在他們外面放催淚彈之後,就變黃了。然後在網路,又有人說究竟是黃是藍。有些員工,天天都看著大台的新聞,他們接收的資訊不多,再加上很多以訛傳訛的資訊,示威者有錢收,前線有小天使等等的消息…
  • 農的傳人 by 健吾
    首先,你要有一堆志工。…
  • 迫大家抗爭 by 健吾
    對這位特首而言,她很清楚,她現在宣佈宵禁,停工停課停市,就是輸。這樣子,「暴徒」的目的就會得逞。所以,她一定不會停課,而更會向「可以上班和上學的人表示敬意」。 …
歡迎讚好我們的facebook page,免費資訊源源送上。

文章資訊

ID: 186334
Date: 2018-10-22 16:23:16
Generated at: 2019-11-13 08:51:22
Permalink: https://www.vjmedia.com.hk/articles/2018/10/22/186334/你自己由細窮到大,梗係唔明白有錢人點解唔識你