喺兩個人互相承認嘅二人親密關係上，再僭建第三四五六七etc個人，當中每做一件錯事、每講一個大話、每動一個歪念，一切一切都有佢眼不為見嘅能量累積著，就算一路無事無幹風平浪靜，實際上並唔係因為你有幾叻有幾醒可以催吉避凶欺上瞞下，只係因為有賴生生世世一直積落黎嘅功德，就好似一隻大湯碗咁一路幫忙兜住啲屎尿污垢唔好等佢瀉出黎，但係一般人做壞事嘅質量同速度，又總係比做好事來得既快又多，再豐厚嘅德業都終有一日會功不抵過，累積嘅屎尿污垢終有一日會係毫無預兆之下缺堤失守，殺人一個措手不及。